काठमाडौं ३ असार । रुसमा जारी विश्वकप फुटबल २०१८ अन्तर्गत आज तीनवटा खेल हुँदैछन् । पहिलो खेलमा समूह ई मा रहेको कोस्टारिकाले सर्बियासँग प्रतिस्पर्धा गर्दैछ । यो खेल नेपाली समय अनुसार बेलुका पौने ६ बजे समारामा रहेको समारा एरिनामा हुने भएको छ ।

त्यसैगरी दोस्रो खेलमा साबिक विजेता जर्मनीले मेक्सिकोसँग प्रतिस्पर्धा गर्नेछ । समूह एफ अन्तर्गतको यो खेलमा नेपाली समय अनुसार राति पौने ९ बजे मस्कोमा रहेको लुज्निक रंगशालामा हुने भएको छ ।

यस्तै आजको अन्तिम खेलमा पाँच पटकको विश्व विजेता ब्राजिलले स्वीट्जरल्याण्डको सामना गर्दैछ । समूह ई अन्तर्गतको यो खेल रोस्तोभ एरिनामा नेपाली समय अनुसार राति पौने १२ बजे सुरु हुनेछ ।

आज हुने तीन खेलमध्ये जर्मनी र मेक्सिको तथा ब्राजिल र स्वीटजरल्याण्डबीचको खेल निकै नै रोमान्चक हुने अनुमान गरिएको छ । ब्राजिल र जर्मनीलाई यो विश्वकपको उपाधि दाबेदारको रुपमा हेरिएको छ । पाँच पटकको विश्व विजेता ब्राजिल छैटौं पटक उपाधि अाफ्नाे पाेल्टामा पार्ने तयारीमा छ । ब्राजिलले पछिल्लाे पटक सन २००२ को विश्वकप जितेको थियो ।

ब्राजिलको टोलीमा नेइमार, सिल्भा लगायत युवा टोलीको उत्साह विश्वमै चर्चामा छ । त्यस्तै २० औं संस्करणको विजेता जर्मनीले पनि चार पटक विश्वकप जितिसकेको छ ।