काठमाडौं,१० साउन । एक किलो सुन हात पार्नेे लोभमा एक व्यक्तिले आफू लुटिएको नाटक गरेको खुलेको छ । प्रहरीले आफू लुटिएको भनेर खबर गर्ने खड्गबहादुर सुनुवारसहित सहयोगी ५ जनालार्इ पक्राउ गरेसँगै उनीहरूको नाटकको पर्दाफास भएको हो ।

बुधबार साँझ साढे ६ बजे प्रहरी कन्ट्रोल १०० मा एउटा फान आयो, ‘गोंगबुको राप्ती पाहुना घरबाट १ किलो सुन, नगद २ लाख १७ हजार र १ लाख रुपैयाँ बराबरको चेक लुटियो ।’

खबरपाउन साथ महागनरीय प्रहरीका विभिन्न युनिट, काठमाडौं प्रहरी परिसरका प्रमुख एसएसपी विश्वराज पोखरेल तत्कालै घटनास्थलमा पुगे ।

अनुसन्धान गर्दैजादा यसरी खुल्यो रहस्य, प्रहरीलाई सूचना दिने व्यक्ति थिए, खड्ग सुनुवार । जसले सुन व्यवसायी समिति, दाङको १ किलो सुन काठमाडौंबाट लैजाने जिम्मेवारी पाएका थिए ।

उनीहरु लुटिएको जस्तो वस्तुस्थिति देखिएन’, एसएसपी विश्वराज पोखरेल भने, घटना शंकास्पद लागेको थियो ।’

लुटपाट भएको भनिएको होटलको कोठा नं. २०२ मा लुटपाट हुँदा होल्ला वा गुहार मागिएको थिएन । कोठा छेउमा बस्नेले समेत त्यत्रो लुटपाट भएको सुइँको समेत पाएका थिएनन् ।

त्यसपछि घटना अर्को तर्फ मोडियो ।

सुनुवारसहित उनका ज्वाइँ बचन सुनुवार, भाइ चन्द्रप्रकाश, होटलका सञ्चालक लगायतसँग सोधपुछ गरियो प्रारम्भिक सोधपुछमै उनीहरुको कुरा अझ शंकास्पद बनेपछि, एसएसपी पोखरेलले सबैलाई नियन्त्रणमा लिएर अनुसन्धान गर्न महानगरीय प्रहरी वृत्त, महारागञ्जलाई निर्देशन दिए ।

तत्कालै, अनुसन्धानका क्रममा राति नै उनीहरुले एक किलो सुन पचाउनलाई सुन लुटिएको नाटक गरेको खुल्यो । र बसपार्कस्थित बिजी मलमा लुकाइएको अवस्थामा सुन समेत बरामद भयो ।

पक्राउ परेकाहरुलाई ठगी वा सार्वजनिक मुद्दा चलाउने तयारी गरिएको छ ।