मुगु १६ साउन । मुगुको पश्चिमी खत्याड गाउँपालिकामा कार्यरत स्वास्थ्यकर्मी धर्नामा बसेका छन् । वैशाख महिनाबाट तलव नपाएको भन्दै उनीहरु गाउँपालिका कार्यालयमा धर्नामा बसेका हुन ।

खत्याड गाँउपालिमा भित्र रहेका १० बटा स्वास्थ्य संस्थामा कार्यरत स्थायी ३८ जना ७ जान करार गरी ४५ कमचारी तलब भत्ता नपाएको भन्दै धर्नामा बसेको बताइएको छ ।

पटक पटक गाँउपालिका गएर तलब भत्ताको लागि पहल गर्दा गाँउपालिकाले झुलाउने गरेको भन्दै तलव नपाउँदा घर चलाउनै समस्या परेको सुकाढीक स्वास्थ्य संस्थाका इन्चार्ज डिलबहादुर विकको भनाई छ ।

प्रथामिक स्वास्थ्य चौकी सुकाढीक, रातापानी, गम्था, श्रीकोट, खमाले, सेरी, हृयाङ्गलु, लगायतका स्वास्थ्य क्षेत्रमा काम गर्ने स्वास्थ्यकर्मी र सहायक कर्मचारीले तलब भत्ता पाएका छैनन् ।

स्वास्थ्य विभागमा कर्मचारीको तलब भत्ताको लागि पहल गरिएता पनि निकास नहुँदा समस्या भएको गाउँपालिकाले जनाएको छ ।