खोटाङ,३ भाद्र । बूढीगङ्गा गाउँपालिका–७ मोरङ निवासी शिक्षक राज भट्टराई आज आफ्नै कोठामा मृत फेला परेका छन्। दिक्तेलस्थित माउण्ट एभरेष्ट बोर्डिङ स्कूलमा कार्यरत शिक्षक भट्टराई सात वर्षदेखि कार्यरत थिए ।
उनी बान्ता गरेको अवस्थामा मृत फेला परेको जिल्ला प्रहरी कार्यालय खोटाङका प्रहरी नायब उपरीक्षक राजकुमार केसीले बताए ।
मृत्युको कारण खुल्न नसकेको पनि उनले बताए। मृतक भट्टराईको शव परीक्षणका लागि जिल्ला अस्पताल खोटाङमा राखिएको छ। घटनाको अनुसन्धान भइरहेको प्रहरीले जनाएको छ।
प्रतिक्रिया दिनुहोस्