तानसेन,१८ भाद्र । नेपालले व्रिटिश सेनालाई युद्धमा पराजित गरेको खुसियालीमा तानसेनमा २ सऔं विजय उत्सव मनाईएको छ । वि. सं १८७१ पौष देखी १८७२ जेठसम्म भएको युद्धमा नेपालले बुटवलको जितगढीमा अंग्रेज लाई पराजित गरेको थियो ।

तत्कालीन प्रशासक कर्णेल उजिर र्सिह थापाको नेतृत्वमा दुईपटक सम्म अंगेज संग भएको युद्धमा नेपालले जित हासिल गरेको थियो । युद्धमा व्रिटिश सेना लाई हराएको संम्झनामा वि.स. १८७६ देखी निरन्तर रुपमा प्रत्येक बर्ष पाल्पामा विजय उत्सव मनाउने परम्परा चल्दै आएको छ ।

विजय उत्सवमा नेपाली सेनाका प्रधान सेनापति पुर्णचन्द्र सिंह थापा, ५ नम्वर प्रदेशका सभामुख पुर्णबहादुर घर्ति र वन वातावरण पर्यटन तथा संस्कृती मन्त्री लिला गिरी लगायतका सहभागिता रहेका थिए ।

१९ बर्षिय कर्णेल उजिर सिहं थापाले बुटवल क्षेत्रको युद्धमा जानु अघि युद्धमा विजयी भएमा प्रत्येक बर्ष भगवतीको रथजात्रा गरी भगवतीको महिमा चारैतिर फैलाउने छु भनी भाकल गरेका थिए ।

यो विजय उत्सव प्रत्येक बर्ष भाद्र कृष्ण पक्षको नवमीको दिन मनाउने परम्परा रहेको छ । आधुनिक हातहतियार सहितको तालिम प्राप्त व्रिटिश सेना संग घरेलु हातहतियारको आधारमा कुटनितिक तरिका बाट तत्कालीन नेपाली सेनाले युद्ध जितेको थियो ।

युद्धमा नेपाली सेनाले बहादुरीका साथ लडेर अग्रेज लाई पराजित गरेकोले पाल्पाली जनताको साथमा नेपाली सेना, जिल्लाका सरकारी तथा गैर सरकारी संघ संस्थाहरुले हर्षोल्लासका साथ यो विजयउत्सव मनाएका छन ।

विजय उत्सवलाई तानसेन बजारको मुख्य चोक- चोक र टोल टोलमा घुमाउने प्रचलन रहेको छ । बिजयउत्सव हेर्न पाल्पाका विभिन्न ग्रामिण भेगको साथै काठमाडौ गुल्मी, अघाँखाची, रुपन्देही, कपिलबस्तु, नवलपरासी, चितवन, स्याङ्ग्जा, कास्की लगायत क्षेत्रबाट पुग्ने गरेका छन ।