अर्घाखाँची, २१ भाद्र । सोमबार अर्घाखाँचीको सन्धिखर्क नगरपालिका–१२, बस्यालटोला नजिकै बोरामा फालेको अवस्थामा भेटिएको शवको पहिचान भएको छ ।

सन्धिखर्क –१२, बस्याल टोलाको चिलीयाथुम खोल्सामा भेटिएको शव कपिलवस्तु ,धैरेनीडाँडाका ३६ वर्षीय धनबहादुर घर्ती मगरको रहेको प्रष्ट भएको छ ।

डिभर्ना बस्याल टोलका महिलाहरु खरबारीमा घाँस काट्न गएको बेला दूर्गन्ध आएपछि के मरेछ भनेर खोज्दै जाँदा स्थानीयहरुले अनुहार नै नचिनिने अवस्थामा एउटा शव भेटेका थिए । शव भेटेपछि स्थानीयहरुले प्रहरीलार्इ खबर गरेका थिए ।

बेवारिसे शव भेटिएपछि प्रहरीले अनुसन्धान थालेको थियो । मंगलबार राति श्रीमती राधा घर्ती मगर जिल्ला अस्पतालमा आएर शव हेरिन् तर शव हेरेपछि ‘मेरो श्रीमानको शव होइन भनी राधा फर्किइन् ।

प्रहरीले उनलार्इृ ‘राम्रोसँग हेर्नुस्, हुन सक्छ’ भने पनि उनले भनिन ‘मेरो श्रीमानलाई मैले भन्दा अरु कसले चिन्छ आफ्नो श्रीमानको शव नभएको भन्दै राति नै राधा घर फर्केकी थिइन् ।

तर ,प्रहरीले फेरि राधालाइ जिल्ला प्रहरी कार्यालयमा बोलाएर शवको बारेमा अनुसन्धान सुरु गर्यो । उनले आफ्नो श्रीमानले घडी नलगाउने, कपाल अर्कै रहेको भनेर झुटो विवरण बताइन् ।

प्रहरीलाई उनको झुटो विवरणमा शका लागेपछि हिरासतमा राखेर अनुसन्धान गर्दा उनले आफ्नो प्रेमीले हत्या गरेको खुलासा गरिकी छन ।

।