गुल्मी, २१ भाद्र । गुल्मीको मालिका गाउँपालिकामा रहेको अर्जै माध्यमिक विद्यालयमा शिक्षक र विद्यार्थी बीच उत्पन्न सामान्य विवादलाई लिएर शिक्षकले विद्यार्थीहरुमाथि कुटपिट गरेका छन् ।

कुटपिटबाट शक्त घाईते बनेका एक विद्यार्थीको लुम्विनी मेडिकल कलेज प्रवास पाल्पामा उपचार भईरहेको छ । उक्त विद्यालयका शिक्षकहरु खुमलाल पन्थी र हिमाल घर्तिले विद्यार्थीहरुमाथि कुटपिट गरेको र कुटपिटबाट विद्यार्थीहरु घाईते बनेको विद्यार्थीका अभिभावकहरुले बताएका छन् ।

कुटपिटबाट शक्त घाईते बनेका सोही विद्यालयमा कक्षा १० मा अध्यनरत विद्यार्थी नविन अर्यालको अहिले पाल्पा प्रवासमा उपचार भईरहेको छ । उनको शरिरका विभिन्न भागमा निला डामहरु रहेको र टाउकोको बाहिरि भागमा चोट नदेखिए पनि भित्री भागमा केही अशर पुगेको बताईएको छ ।

नबिन अर्यालको अवस्था अहिले सामान्य बन्दै गएको अस्पतालले जनाए पनि उनी बीच –बीचमा झस्किने र आबेगमा आउने गरेको प्रधानाध्यापक कमल प्रसाद अर्यालले बताउनुभयो । अर्यालका अनुसार शिक्षकहरुले नियतबस नभई राम्रैका लागि भए पनि अहिलेको समयमा दण्ड रहित शिक्षाको कमि भएको बताउनुभयो । विधार्थीको उपचार पछि विधालय व्यवस्थापन समितिको बैठक बसि यसबारेमा केही निर्णय लिईने उहाँको दाबी छ ।

विधालय व्यवस्थापन समितिका अध्यक्ष देबीराम अर्याल र प्रधानाध्यपक कमल प्रसाद अर्याल लुम्बिनी मेडिकल कलेज प्रभास तानसेन पाल्पामा विधार्थीको उपचारमा रहेको प्रअ अर्यालले बताउनुभयो ।

बुधवारदेखि सदरमुकाम तम्घासमा संचालन भएको अनेरास्ववियू फुटवल कप २०७५ मा भाग लिनका लागि उक्त विद्यालयका विद्यार्थीहरु सदरमुकाम तम्घास जान पाउनु पर्ने र उक्त प्रतियोगितामा भाग लिन जाने सम्पूर्ण विद्यार्थीहरुको सबै खर्च विद्यालयले व्यहोर्नु पर्ने मागको विषयलाई लिएर विद्यालय प्रशासन र विद्यार्थीहरु वीच विवाद उप्पन्न भएको बताईएको छ ।

शिक्षक र विद्यार्थीबीच उत्पन्न विवादले चर्को रुप लिन थालेपछि विद्यालयले मंगलवार विद्यार्थीका अभिभावकहरुलाई पत्रकाटि छलफलका लागि बोलाएको र अभिभावकहरु छलफलका लागि विद्यालय नपुग्दै विद्यार्थीहरुलाई प्राथना सकिए लगत्तै उक्त शिक्षकहरुले उनीहरुलाई कुटपिट गरेर कक्षा कोठामा थुनेको अभिभावक संघका सदस्य तेज नारायण अर्यालले बताउनुभयो ।

शिक्षकले विद्यार्थीहरुलाई कुटपिट गर्नु गलत भएको भन्दै अन्य विद्यार्थीका अभिभावकहरु समेत शिक्षकहरु प्रति थप आक्रोशित बनेका छन् ।