काठमाडौं, २७ भाद्र ।चितवन – काठमाडौ महिला सन्जालले  विभिन्न सेवा मुलक कार्यक्रम गर्दे आएको  छ ।  महिला संजालले यसपटक सामाखुसिमा रहेको मानवसेवा आश्रम र अनाथ आश्रमा आज तीजको दिन दर खुवाएको छ ।
चितवन – काठमाडौं महिला संजालका पदाधिकारीहरुले आफु दिन भरि निरहार व्रत बसि तिज बिशेष अवशरमा उक्त आश्रममा बसोवास गर्ने अनाथहरुलाई दर खुवाएका हुन ।
संजालले गरेको कार्य प्रति खुशि भएका अनाथ बुढाबुढी, बालबालीकहरुले आफ्नो घर परिवार संगै बसेर खाए अनुभव भएको बताए । घरपरिवार बाट टाढा भएपनि आफ्नो नजिकको मान्छे भन्ने कोही नभएपनि आजको दिन हाम्रो लागि धेरै खुशिको दिन भएको उनिहरुले बताए ।
यता महिला संजालले मनाव सेवा आश्रममा बस्नेहरु महिलाहरुमा हुने पाठेघरको क्यान्सर सम्वन्धी चेक गराउन तथा स्वास्थ्य शिविर केही दिनमा संचानल गर्ने संजालकी अध्यक्ष सावित्री अधिकारीले जानकारी दिईन । यस्ता अनाथहरुको सेवा गर्न पाउन निकै खुशि भएको अध्यक्ष अधिकारीले बताईन । उनले मानव भई सकेपछि केही गर्नुपर्छ भन्ने उदेश्यले आफु र आफ्नो संजाले यस्ता खाले विभिन्न सेवामुलक कार्यक्रम गरेको बताइन ।