लन्डन, १० मंसिर । इंग्लिस प्रिमियर लिगमा आर्सनलले बर्नमाउथमाथि जित निकाल्दै अपराजित यात्रा कामयै राखेको छ। आर्सनलले आइतबार राति भएको खेलमा बर्नमाउथ माथि २–१ को जित हात पारेको हो।

बर्नमाउथका लेमाले ३० मिनेटमा आफ्नै पोस्टमा गोल गरेपछि खेलमा अर्सनलले अग्रता लिन सफल भएको थियो। यद्यपी पहिलो हाफको इन्जुरी टाइमको तेस्रो मिनेटमा किङ्गले गोल गरेपछि आर्सनलले बरारबी गर्न सफल भयो।

खेलको ६७ मिनेटमा आर्सनलले दोस्रो पटक अग्रता लिन सफल भयो। आर्सनलका लागि पियरी इमिरेक एउबामेयाङले गोल गरको थिए। उनले जारी सिजनमा आठौं गोल गरेका हुन्।

आर्सनल पछिल्ला १७ खेलमा अपराजित छ। यद्यपी आर्सनल पछिल्ला पाँच मध्ये ४ खेलमा बराबरीमा रोकिएको थियो। १२ अगस्टमा प्रिमियर लिगको खेलमा म्यानचेस्टर सिटीसँग २–० ले पराजित भए यता आर्नसलले कुनै पनि खेलमा हार बेहोरेको छैन।

आइतबार हात पारेको जितसँगै आर्सनल अंक तालिकाको पाँचौ स्थानमा उक्लिएको छ। आर्सनलको १३ खेलबाट २७ अंक छ। शीर्ष स्थानको म्यानचेस्टर सिटीको १३ खेलबाट ३५, दोस्रो स्थानको लिभरपुलको ३३, तेस्रो स्थानको टोटनह्यामको ३० र चौथो स्थानको चेल्सीको २८ अंक छ।