काठमाडौं, ११  मंसिर ।  राष्ट्रिय ध्वजावाहक नेपाल वायुसेवा निगमले दुुइवटा नया वाइडबडी जहाज खरीद गर्दा ठुलो आर्थिक चलखेलको भएको बिवादले राष्ट्रिय बहसको रुप लिएको छ । निगमले करिब २४ अर्ब रुपैयामा वाइड बडी जहाज खरिद प्रकरणमा साढे ६ अर्ब रुपैया घोटाला भएको संसदको लेखासमितिको ठहर छ ।

नेपाल बायुसेवा निगमको गिर्दाे साखलाई माथि उठाउनका लागि नेपाल एयरलाइन्सले दुइटा ‘वाइड बडी’ विमान किन्यो । २४ अर्ब रुपैंयाभन्दा बढीमा जहाज किन्दा ठुलो घोटला भएको भएको भन्दै नेपाल बायुसेवा निगम यति बेला बिवादको केन्द्रमा छ ।

अर्बौं रकमको जहाज खरिद गरेको बाइडवडीको ग्लोवल टेन्डरदेखि ल्याउने प्रक्रियासम्म देखिएको चलखेलका कारण अनिमियता भएको आंशंका गरिएको छ । वाईडवडी खरिदमा चरम भ्रष्टाचार भएको भन्दै प्र्रतिनिधीसभा अन्र्तगतको सार्वजनिक लेखा समितिको बैठकमा वाईडवडी खरिद गर्दा सिधै उत्पादकसंग सम्झौता एवं कारोवार नगरेर विचौलिया कम्पनीसंग गरिएको, विमान खरिद प्रस्तावमा उल्लेख गरिएको प्रावधान विपरित खरिद गरिएको भन्दै समितिका सदस्यहरु छानबिनको माग गरेका छन

विमान खरिदमा भ्रष्टाचार गरेर निगमलाई धरासायी बनाउने काम भएको भन्दै संसदहरु निगमका महाप्रबन्धक सुगतरत्न कंसाकारस“ग अक्रोसित बनेका थिए । यता निगमले वार्डड वडी खरिदमा आर्थिक चलखेल भएको दाबी गर्दै कंसाकारले सम्पुर्ण कानुनी प्रक्रिया पुरा गरेर विधिसम्बत विमान खरिद गरिएको बताएका छन । उनले आर्थिक लेनदेन नभएको भन्दै भष्टाचार भएको भए प्रमाणित गर्न चुनौति समेत दिएका छन् ।

नेपाल वायुसेवाका महाप्रवन्धक कंसाकारले विमान खरीद प्रक्रिया र विमानको स्वामित्वबारे सार्बजनिक लेखा समितिलाई चित्तबुझ्दो प्रमाण दिन नसकेको समितिका सदस्यहरुको भनाइ छ । तर निगमले बिमान खरिद सम्बन्धमा केही प्रमाण सञ्चार मँध्यममा आएका छन । यद्यपि ती प्रमाणले सार्बजनिक लेखा समितिले उठाएका प्रश्नको जवाफ दिन सकेको देखिंदैन । चरम राजनीतिक हस्तक्षेप र धेरैको कमाउने भा“डाको रुपमा प्रयोग गरिदै आएको कारण नेपाल वायुसेवा निगम अहिले पनि घाटामा चलिरहेको छ । गत साता निगमको आर्थिक अवस्था नाजुक भएको भन्दै श्वेतपत्र जारी गर्दै सरकारस“ग २० अर्ब रुपैया मागिए पनि अर्थ मन्त्रालयले निगमलाई थप रकम दिन अस्वीकार गरेको छ ।

निगमको दुरावस्था र वाइडवडी खरीद प्रकरणबारे पर्यटन, संस्कृति तथा नागरिक उड्ययन मन्त्री रबिन्द्र अधिकारीले समेत अहिले सम्म स्पष्ट जवाफ दिन नसकेका छैनन । उनी समेत बिमान खरिद प्रकरणबारे अनभिज्ञता देखाउदै दोषी देखिए कारवाही गर्ने बताउ“दै आएका छन ।

यता निगमलाई माथि उकास्न किनिएको वँइडवडी किनेको भएपनि उचित गन्तब्य पाउन नसक्दा थप ऋणभार थपिने गएको छ । निगमले जहाजमा खरिद प्रक्रियामा पारदर्शी देखाउने नसक्दा सबैले निगमप्रति औला उठाउन सकेका हुन । टेन्डर प्रक्रिया देखि भित्राउने प्रत्रियामा सम्म भएको सेटिङको कारण बिमान खरिदमा भएको अनिमियता अहिलेसम्म बाहिर आउन सकेको छैन । नेपाल वायुसेवाले ल्याएको जहान खरिद प्रक्रियामा संसदीय समितिदेखि अख्तियार दुरुपयोग अनुसन्धान आयोगले विस्तृत अनुसन्धान गर्न जरुरी छ ।