कावासोती,१४ मङसिर । नेकपाका अध्यक्ष पुष्पकमल दाहाल प्रचण्डले सरकारले अब गति लिएको दावि गर्नुभएको छ । त्रिभुवन बाल मावि कावासोती १७ नवलपुरको स्वर्ण महोत्सवको आज उद्घाटन गर्दै प्रचण्डले केहि ढिला गरि भएपनि सरकारले गति लिएको दावि गर्नुभएको हो ।

अध्यक्ष प्रचण्डले केहिदिन अघि मात्रै सरकारले घोषणा गरेको सामाजिक सुरक्षा योजनाको उदाहरण दिदैँ सामाजिक सुरक्षा योजना दुरगामि र ऐतिहासिक निर्णय भएको भन्दै त्यो कोसेढुंगा सावित भएको बताउनुभयो ।

मुलुकको विकासलाई गति दिने गरि प्रक्रिया अघि बढेको भन्दै अध्यक्ष प्रचण्डले अब कसैले चाहेर पनि मुलुकको विकास नरोकिने ठोकुवा गर्नुभयो । उहाले प्रतिक्रियावादिले जहिले पनि कम्युनिष्टहरुविरुद्ध भ्रम छरिरहेको भन्दै अब दुई छिमेकीसंगको साथ र सहयोगबाट मुलुकलाई नयाँ गति दिने बताउनुभयो ।

उहाले भन्नुभयो ‘उत्तरी छिमेकी चिन र दक्षिण छिमेकी भारतसंगको सम्बन्ध नयाँ शिराबाट मजबुद बन्दै गएको छ, अब विकासले गति लिनेमा कुनै शंका नगर्नहोस ।’

अध्यक्ष प्रचण्डले भन्नुभयो ‘जहिले पनि प्रतिक्रियावादीहरुले हामिविरुद्ध भ्रम छरिरहेका छन, संविधान जारी गर्ने बेलामा होस् अथवा दुई पार्टीबिचको एकता प्रक्रियामा होस् या त गणतन्त्र ल्याउने बेलामा मात्रै नभै स्थानिय तहको निर्वाचन एंव संघिय तथा प्रदेशको चुनावमा किन नहोस् कम्युनिष्टलाई असफल बनाउन लागि परे तर त्यो पुरा हुन सकेन ।’

उहाले नवलपुर र आफु निर्वाचित चितवनको पश्चिम चितवनलाई जोडेर यस क्षेत्रको गुणात्मक परिवर्तन ल्याउन आफु प्रतिवद्ध रहेको बताउनुभयो । अध्यक्ष प्रचण्डले नारायणीमा ३ वटा नयाँ पुलको आवश्यकता महशुस गरिएको र नारायणी नदिमा सबैभन्दा पहिले पानी जहाज चलाएर छाड्ने ठोकुवासमेत गर्नुभयो ।

उहाले भुमिगत अवस्थामा आफु पुर्णकालिन सदस्य भएपछि पहिलो कार्यक्षेत्र नवलपरासी मै रहेको खुलासा गर्दै यस क्षेत्रको विकपासमा आफुले कुनै कसर बाँकी नराख्ने उद्घोष गर्नुभयो ।

अध्यक्ष प्रचण्डले शिक्षा क्षेत्रमा निजिकरण र व्यापारिकरणको रोग लागेको भन्दै पछिल्लो समय सामुदायिक विद्यालयमा आकर्षण बढ्दै गएको बताउनुभयो । केहि समय अघिसम्म् सामुदायिक विदालयको स्तर कमजोर रहेको उल्लेख गर्दै अध्यक्ष प्रचण्डले अहिले सुधार हुँदै गएसंगै आकर्षण बढेको दावी गर्नुभयो ।

उहाले शिक्षाको गुणस्तर ,वृद्धिका लागि सरकार कटिबद्ध भएर लाग्ने उल्लेख गर्नुभयो । प्रचण्डले सरकारले चुनावमा गरेका सबै प्रतिबद्धताहरु ५ वर्षभित्र पुरा गरेरै छाड्ने स्पष्ट पार्नुभयो । ,उहाले भन्नुभयो ‘हामिले सोचे जस्तो काम गर्न सकिरहेका त छैनौ तर ५ वर्ष भित्र हामिले चुनावमा गरेका सबै प्रतिबद्धता पुरा गर्छौ ।’ उहाले भन्नुभयो यस वर्ष बृद्धभत्ता केहि भएपनि यो सरकारले बढाउनुपर्ने हो त्यसमा म दुखी छु तर आगामि वर्षको बजेटमा त्यसको व्याजसहित वृद्धभत्ता उपलब्ध गराईने छ ।