काठमाडौं, २ असोज । मन्त्रिपरिषदको बैठकले नेपाल आयल निगमका कार्यकारी निर्देशक गोपालबहादुर खड्कालाई पदच्युत गरेको छ ।
मन्त्रिपरिषद्को सोमबार बसेको बैठकले खड्कालाई बखाएस्त गर्ने निर्णय गरेको आपूर्तिमन्त्री शिजकुमार मण्डलले जानकारी दिनु भयो । नेपाल आयाल निगमले इन्धन भण्डारण केन्द्र स्थापनाका लागि जमिन खरिद दर्ता करोडौं घोटाला गरेको निष्कर्ष सहित मन्त्रिपरिषदले खड्कालाई बखाएस्त गर्ने निर्णय गरेको हो ।

यस अघिनै संसको आपूर्ति उपसमिति र स्वयम आपूर्ति मन्त्रालयको छानविन समितिले समेत खड्काले करोडौ घोटाला गरेको ठहर गर्दै कारवाही गर्न सरकारलाई सिफारीस गरेका थिए । त्यही सिफारीसलाई समेत आधार मानेर मन्त्री परिषदले खड्कालाई बर्खास्त गर्ने निर्णय गरेको हो ।

सरकारले खड्कालाई बर्खास्त गर्ने निर्णय गरे पनि अख्तियार दुरुपयोग अनुसन्धान आयोगको छानविन भने सकिएको छैन । आयल निगमको जमनि खरिदको क्रममा करोडौ घोटाला भएको सार्वजनिक भएपछि अख्तियारले पनि छानविन गरिरहेको छ । तर, अख्तियारको प्रतिवेदन भने अझै आउन सकेको छैन ।