बुटवल,२२ मंसीर
“लैंङ्गिक हिंसा र दुव्र्यवाहार : छैन हामीलाई स्विकार” भन्ने नारासंगै लैैंङ्गिक हिंसा विरुद्धको दिबस को अवसरमा आयोजित एक कार्यक्रमका बक्ताहरुले लैैंङ्गिक हिंसा अन्त्य गर्न जोड दिएका छन् । बुटवल महिला जेसीजद्धारा लैंङ्गिक हिंसा विरुद्धको १६ दिने अभियान दिवसको अवसर पारेर शनिबार आयोजित लैङ्गिक हिंसा विरुद्ध अन्तरक्रिया कार्यक्रममा बोल्ने बक्ताहरुले यस्तो बताएका हुन । कार्यक्रममा बोल्दै प्रमुख अतिथि नेपाल जेसीजका राष्ट्रिय अध्यक्ष श्रीधर बस्यालले जेसीजले नेतृत्व विकास र व्यत्तित्व विकासका लागि मात्रै नभएर सामाज रुपान्तरणका लागि पछिल्लो समयमा क्रियासिल रहेको बताउनु भयो ।
कार्यक्रमका प्रमुख बक्ता राष्ट्रिय महिला आयोगका पूर्व सदस्य प्रोफेसर अम्बुदा श्रेष्ठले लैंङ्गिक हिंसा अन्त्यका लागि एकल प्रयास ले मात्र संम्भव नहुने भएकोले सामुहीक प्रयासमा मात्र यो संम्भव भएको बताउनु भयो ।
हिंसा महिला,पुरुष र तेस्रोलिङ्गी सबैमा छ , हिंसा अन्त्यका लागि सबैसंगको सहकार्य आवश्यकता रहेको बुटवल महिला जेसीजका संस्थापक अध्यक्ष जेसी रेखा कट्टेलले बताउनुभयो । कार्यक्रममा बुटवल जेसीजका अध्यक्ष यम प्रसाद तिवारी,राष्ट्रिय अपाङ्ग महासंघ प्रदेश ५ सदस्य साबित्रा घिमीरे ,रेडियो मुक्तिका स्टेशन प्रमुख कल्पना तिवारी बुटवल महिला जेसीजका अध्यक्ष जेसी राधिका पोख्रेल,महासचिव जेसी लक्ष्मी थापा,कार्यक्रमका संयोजक जेसी राजश्री गौतम, जेसी संगीता ढकाल लगायतका बक्ताहरुले लैङ्गिक हिंसा अन्त्य गर्नका लागि साझा प्रयासको आवश्यकता रहेकोमा जोड दिएका थिए ।