काठमाडौं, २३ मङसिर । र्इपीएलमा दुई खेल खेलेर सन्दीप लामिछाने आज अष्ट्रेलिया जादैछन । अष्ट्रेलियामा हुने बिग ब्यास लिग खेल्नका लागि उनी आइतबार राती अष्ट्रेलिया जान लागेका हुन ।

पहिलो खेलमा हार ब्यहोरे पनि चार ओभरमा दुई विकेट लिएका सन्दीपले आज पनि चार ओभरमा २६ रन दिँदै तीन विकेट लिएका छन ।

एकपछि अर्को अन्तरराष्ट्रिय प्रतियोगितामा व्यस्त बनेका सन्दीपले बिग ब्यास खेल्न जानु अगाडि आफू र्इपीएलको अन्तिम खेलमा टिमलाई जित दिलाएर जान पाउँदा निकै खुसी रहेको बताएका छन ।

साथै उनले बिग ब्यास लिग जस्तो प्रतियोगितामा नेपाली खेलाडी खेल्न पाउनु नै गर्वको विषय रहेको बताउँदै आफू आफ्नो क्षमता अनुसार नै खेल्ने बताए ।

बिग ब्यास लिगमा पनि सन्दीपले पूरै प्रतियोगिता खेल्ने छैनन् । बिग ब्यास लिगको बीचमा उनी बंगलादेश प्रिमियर लिग खेल्न जानेछन् ।