बारा, ४ असोज । दुई नम्बर प्रदेशमा निर्वाचन भएको १३५ स्थानीय तहमा मतगणना जारी छ । जनघनत्व धेरै भएकाले सिंगो स्थानीय तहको मत परिणाम आउन त अझै समय लागने देखिन्छ । तर, राजनीतिक दलबीच तीब्र प्रतिस्पर्धा देखिएको छ ।

कांग्रेसको अग्रता : नेपाली कँंग्रेसले बारागढी, कोहल्वी, सिम्रौनगढ र महागढीमाई नगरपालिका तथा सुवर्ण र फेटा गाउँपालिकामा अग्रता लिएको छ ।

एमालेको अग्रता : नेकपा एमालेले जितपुरसिमरा उपमहानगर, निजगढ नगरपालिका, आदर्शकोतवाल लगायतमा अग्रता लिएको छ ।
राजपाको अग्रता :  राष्ट्रिय जनता पार्टी नेपालले पचरौता, परवानीपुर र प्रसौनीमा अग्रता लिएको छ ।
नेपाल लोकतान्त्रिक फोरम : नेपाल लोकतान्त्रिक फोरमले विश्रामपुर गाउँपालिकामा अग्रता लिएको छ ।
संघीय समाजवादी फोरम : संघीय समाजवादी फोरमले कलैया उपमहानगर, र
करैयामाई गाउँपालिकामा अग्रता लिएको छ ।