काठमाडौं , ४ फागुन । प्रधानमन्त्री केपी शर्मा ओलीले भ्रष्टाचार नियन्त्रण गर्ने दावी गर्नुभएछ । प्रधानमन्त्री ओलीले भ्रष्ट्रचारी र भष्ट नियत भएकाहरुमाथि गम्भिर भए अनुसन्धान भईरहेको बताउनु भएको छ ।
प्रधानमन्त्री केपी ओलीले सरकार भ्रष्टाचार नियन्त्रण गर्ने संकल्पका साथ अगाडि बढेको दाबी गर्दै अब कसैले पनि भ्रष्टाचार लुकाउन सम्भव नहुने बताउनुभएको छ ।
‘हामी भ्रष्टाचार नियन्त्रण गर्ने संकल्पका साथ अगाडि बढेका छौँ, अब भ्रष्टाचार लुक्न र लुकाउन सम्भव छैन । मैले दूरबीन लगाएर हेरेको छु त्यो भन्दा पनि टेलिस्कोपबाट पनि हेरेको छु जुन कुरा लुकाउन संभव छैन त्यसैले भ्रष्टचार नियन्त्रण हुनेमा म ढुक्क छु, प्रधानमन्त्री ओलीले एवीसी न्यूजका लागि अध्यक्ष तथा प्रधानसम्पादक शुभशंकर कंडेलसंगको विषेश कार्यक्रम आउटलुकमा बताउनुभयो ।
प्रधानमन्त्री ओलीसंगको विशेष अन्तर्वार्ता आज राती ९ बजे एबीसीमा प्रसारण हुनेछ ।
प्रधानमन्त्रीले कारबाही गरेर दण्ड विधिबाट भन्दा नियन्त्रणको विधिबाट भ्रष्टाचार अन्त्य गर्नुपर्ने बताउनु भएको छ । प्रधानमन्त्रीले सरकारका सबै निकायलाई भ्रष्टाचारबाट मुक्त राख्न लागिपरेको समेत बताउनुभयो । उहाले भ्रष्टाचार नियन्त्रण गर्न राष्ट्रिय अनुसन्धान विभाग र राजस्व अनुसन्धान तथा सम्पत्ति शुद्धीकरण अनुसन्धान विभाग आफु मातहत ल्याएको बताउनुभएको छ ।
प्रतिक्रिया दिनुहोस्