जनकपुर, १६ चैत । हिमाली तथा उच्च पहाडी क्षेत्रमा उत्पादन भएका कृषि उत्पादनहरुलाई प्रशोधन गरी तयार पारिएका खाद्य सामाग्रीहरुको पैचो प्रालिले तराई मधेशका बजारमा पु¥याउन सफल भएको छ ।

‘बसे पनि शहर गाँउकै खाने रहर’ भन्ने नाराका साथ ३ वर्ष पहिले गुल्मी जिल्लाको रुरु गाउपालिका –७ रिडियामा उत्पादन गरिएका पैचोका खाद्य सामाग्रीहरु प्रदेश २ को अस्थायी राजधानी जनकपुरमा उपब्लध हुने भएको छ । पैचोले शनिवार जनकपुरमा एक कार्यक्रम गरि आफ्ना उत्पादन वारे उपभोक्ता, व्यापारी तथा सर्वसाधारणलाई जानकारी गराएको हो । कार्यक्रमलाई सम्बोधन गर्दै प्रदेश २ का उद्योग पर्यटन वन तथा वातावरण राज्यमन्त्री सुरेश मण्डलले पैचोको काम अत्यन्तै लाभदायी रहेको बताउनुभयो । व्यापारमुखिभन्दा सेवामुखि उदेश्य लिएको पैचोलाई प्रदेश २ मा पनि त्यस्ता उद्योग स्थापना गर्न आग्रह गर्नुभयो ।

प्रदेश २ को माटोको पहिचान र स्थानीय मेहेनती जनताको मनोबिज्ञानलाई मात्र ब्यवस्थापन गर्न सकियो भने यस प्रदेशको कृषि उत्पादनमा कायापलट हुनसक्ने पैचाका प्रवन्ध निर्देशक धुव्र न्यौपानले जानकारी दिनुभयो । प्रदेश २ का जिल्लामा उत्पादन हुने खाद्यान्नलाई मात्र उपयुक्त बजारसम्म पु¥याउन सक्ने हो भने नेपाली अर्थतन्त्रमा ठूलो योगदान पुग्ने उहाको भनाई थियो ।
विल्कुलै फरक प्रयोगका रुपमा स्थापित पैचो पसलले पहाडी ग्रामीण क्षेत्रका जनताको उत्पादनलाई बजारसम्म पुर्याउने र उपयुक्त बजार प्रवर्धन गर्ने लक्ष्य लिएको छ ।