काठमाडौं,१७ चैत । बर्दियाको बारबर्दिया नगरपालिकामा मोटरसाईकल दुर्घटना हुँदा ३ जनाको मृत्यु भएको छ ।
बारबर्दिया नगरपालिकाको ९ स्थित बनगाईमा भएको दुघर्टनामा घाइते भएका मधुवन नगरपालिका १ का २१ वर्षिय सुरज चौधरी, १४ वर्षिया कृष्णा चौधरी र बारबर्दिया ९ का २३ वर्षिय खगेन्द्र बस्नेतको उपचारका क्रममा कोहलपुर मेडिकल कलेजमा मृत्यु भएको हो ।
सुरज चौधरीले चलाएको भे ८ प ६९६८ नम्बर मोटरसाईकल र खगेन्द्र बस्नेतले चलाएको बा ९१ प ९३७७ नम्बर मोटरसाईकल आपसमा ठोक्किँएर दुर्घटना भएको जिल्ला प्रहरी बर्दियाले जनाएकोे छ । तिव्र गतिका कारण मोटरसाईकल ठोक्किँएको प्रहरीको प्रारम्भिक अनुसन्धानबाट खुलेको छ । यस विषयमा थप अनुसन्धान भैरहेको प्रहरीले जनाएको छ ।
प्रतिक्रिया दिनुहोस्