मोरङ ,२२ बैशाख । मोरङमा भैंसीलाई बलात्कार गरेको आरोपमा जिल्ला अदालत मुद्दा दर्ता भएको छ । मोरङ जिल्ला अदालतमा रतुवामाइ नगरपालिका–२ का ४० वर्षीय मङ्गल हस्दाले सोही स्थानकी रानी टुढुले पालेको भैंसीलाई बलात्कार गरेको अभियोगमा मुद्दा दर्ता भएको हो ।

हस्दाले छिमेकीको गोठमा बाधेको भैंसीलाई ७ सय मिटर पश्चिम एकान्त बास झ्याङ्गगमा लगेर बिहीबार दिउँसो १२ बजेको समयमा बलात्कार गरेको इलका प्रहरी कार्यालयले जनाएको छ । गोठमा बाँधेको भैसी फुकाएर बाँस झ्याङमा लगेर दुवै खुट्टा बाँधेर करणी गरेका प्रहरीले जनाएको छ ।

गोठमा बाधेको भैंसी हराएपछि धनीले खोजी गर्दा भैसी बाँस झयांगमा फेला परेको थियो । अनुसन्धानका क्रममा छिमेकी हस्दाको कपडा उक्त स्थानमा फेला परेपछि प्रहरीले उनलाई नियन्त्रणमा लिएर सोधपुछ गरेको थियो । त्यसक्रममा हस्दाले भैंसीमाथि करणी गरेको स्वीकार गरेका थिए ।