बझाङ , २४ वैशाख । बझाङको वित्थडचिर गाउँपालीकामा मंगलवार देखि लोकसेवा आयोगको निःशुल्क तयारी कक्षा सुरु भएको छ ।

सुदुरपश्चिम प्रदेश अन्र्तगत सामाजिक विकास मन्त्रालय र वित्थडचिर गाउँपालीकाको आर्थिक सहयोगमा लोकृति टेक्नीकल एकेडेमी धनगडीले कक्षा संचालन गरेको छ ।

गाउँपालिकाले पहिलो पटक निःशुल्क लोकसेवा आयोगको तयारी कक्षा सुरु गरेको हो । महिला, दलीत, आर्थिक विपन्न र युवाहरुलाई लक्षित गरि खरिदार तथा नायब सुब्वाका लागि आयोगको कक्षा सुरु गरिएको गाउँपालिकाले जनाएको छ ।

तीन महिना सम्म संचालन हुने आयोगका तयारी कक्षामा खरिदार र नायव सुब्बाको पाठ्यक्रमा आधारित तयारी कक्षा सुरु भएको गाउँपालीकाका प्रवक्ता हर्क धामीले जानकारी दिनु भएको छ । मंगलवार एक कार्यक्रमका विच गाउँपालीका प्रमुख प्रेम बोहराको प्रमुख आतिथ्यमा लोकसेवा आयोगको निःशुल्क तयारी कक्षाको उद्घाटन भएको हो ।