काठमाडौं,१ जेठ । भारतको नयाँ दिल्लीमा एक नेपाली युवतीमाथि सामूहिक बलात्कार भएको छ । भारतको मुम्बईमा रहेका आफ्ना दाजुलाई भेट्नका लागि हिँडेकी २२ बर्षिया युवतीमाथि आइतबार राती सामूहिक बलात्कार भएको हो । उनलाइ चार जनाले बलात्कार गरेका थिए ।

आफूमाथि सामूहिक बलात्कार भएको भन्दै मुम्बई पुगेर ओसावारा प्रहरीमा ति युवतीले उजुरी दिएपछि घटना सार्वजनिक भएको हो । मुम्बई प्रहरीले बलात्कार गर्ने युवालाई पक्राउ गर्नका लागि दिल्ली प्रहरीलाई पत्राचार गरिसकेको छ ।

उनी समयमा स्टेशन नपुगेका कारण रेल छुटेको थियो । रेलको प्लेटफर्ममा बसिरहेका बेला उनी सामु चार जना युवा आए र यहाँ सुरक्षित छैन्, उता जाउँ भनि लगेर बलात्कार गरेको प्रहरीलाई उदृत गर्दै मुम्बइ मिररले जनाएको छ ।

उनी सोमबार मुम्बईको गोरेगाउँमा दाजुलाई भेटेर आफूमाथि भएको बलात्कारको घटना सुनाएपछि प्रहरीमा उजुरी परेको थियो ।