काठमाडौं, १० जेठ ।  अभिभावक समुहकाे सक्रियतामा ज्योति खतिवडाको अध्यक्ष्य रहेको भक्तपुरकाे सुर्यविनायक नगरपालिका वडा नं ४ दधिकोटमा बिजयलक्ष्मी महर्जन द्वारेको सभापतित्वमा एक विशेष समाराेहका साथ चित्रपुर दिवा स्याहार केन्द्रकाे उद्घघाटन गरिएकाे छ ।

मस्तिष्क पक्षाघात बाट प्रभावित बालबालिकाहरूकाे आवश्यक फिजियाेथेरापी तथा शिक्षा दिई उनीहरुलाई समाजमा सबल,शिक्षित तथा स्वावलम्बि बनाउने उद्वेश्यले मस्तिष्क पक्षाघात स्वाबलम्बन समुह नेपाल, धापाखेलले उक्त कार्यक्रम संचालन गरेकाे हाे।

स्याहार केन्द्र निर्माणका लागि लाेकन्थली भक्तपुरकी संरक्षक बिजयलक्ष्मी महर्जन द्वारेले जग्गा उपलब्ध गराउनु भएकाे हाे साथै विभिन्न दाताहरू – स्टिचिङ हल्याण्ड विल्डिङ नेपाल, डा. चन्द्रलेखा तुलाधर, साेनु जाटिया तथा राजेश जाटिया, मन्जु अग्रवाल लगायतले रकम तथा आवश्यक सामग्रीहरु उपलब्ध गराउनुभएकाे छ ।

उक्त स्याहार केन्द्रमा दश जना बालबालिकाहरुलाई नियमित सेवा उपलब्ध गराईने छ।साथै प्रत्येक बालबालिकाहरुकाे आवश्यकता अनुसार सामाजिक, शारीरिक, बाैद्धिक विकास तथा दैनिक जीवनमा गर्नु पर्ने क्रियाकलाप लगायत संचारकाे विकासमा ध्यान दिई बालबालिकाहरुलाई विभिन्न क्रियाकलाप मा संलग्न गराईनेछ।

जसले गर्दा बालबालिकाहरूकाे जीवनमा सुधार ल्याउन मद्धत गर्नेछ।उक्त अवसरमा चित्रपुर दिवा स्याहार केन्द्रलाई अर्थ तथा जिन्सी सहयोग गर्ने व्यक्तिलाई सम्मान गरिएको थियो ।