काठमाडौँ, १४ जेठ ।  कर्णाली प्रदेश सरकार र संसद्बीच भएको आजको भलिबल प्रतियोगितामा संसद् टोली विजयी भएको छ । गणतन्त्र दिवस २०७६ को उपलक्ष्यमा भएको सो प्रतियोगितामा सोझो दुई सेट लिएर संसद् टोली विजयी भएको हो ।

मुख्यमन्त्री महेन्द्रबहादुर शाही नेतृत्वको सरकार र प्रदेश सभामुख राजबहादुर शाही नेतृत्वको संसद् टोलीबीच सो प्रतियोगिता भएको हो । यसैगरी ब्याटमिण्टनमा महिला र पुरुष दुवैतर्फ सरकारको टोलीले विजयी भएको छ । ब्याटमिण्टनमा पुरुषतर्फबाट सरकारी टोलीमा मुख्यमन्त्री महेन्द्रबहादुर शाही र सामाजिक विकासमन्त्री दल रावल तथा संसद्का टोलीमा सभामुख राजबहादुर शाही र संसद् अमरबहादुर थापाले भाग लिनुभएको थियो ।

जसमा मुख्यमन्त्री शाही र सामाजिक विकासमन्त्री रावल सोझो दुवै सेट लिएर विजयी हुनुभएको छ । त्यस्तै महिला ब्याटमिण्टनतर्फ सरकारको प्रतिनिधित्व गर्दै भूमि व्यवस्था, कृषि तथा सहकारीमन्त्री बिमला केसी र संसद्को प्रतिनिधित्व गर्दै उपसभामुख पुष्पा घर्ती मगरले भाग लिनुभएको थियो । जसमा सोझो दुई सेटका साथ कृषिमन्त्री बिमला केसी विजयी हुनुभएको छ ।