काठमाडौ, २७ जेठ । नेपाल भ्रमण वर्ष २०२० लाई लक्षित गरी प्रेमको प्रतिक रानीमहलमा साईकला यात्रा गरिएको छ । रुपन्देही साईकल संघको आयोजना वुटवल साईकल सिटीको सहकार्यमा बुटवलदेखि पाल्पाको रानीमहलसम्म साईकल यात्रा गरिएको हो । रानीमहलमा आन्तरिक तथा बाह्य पर्यटकहरुलाई केन्द्रित गराउने उद्देश्यले साईकल यात्रा गरिएको छ ।

नेपाल भित्रका साईकल राईडरहरुलाई रुपन्देही साईकल संघले रानीमहल पु¥याएको हो । साईकल यात्रामा देशभरीबाट ४० जना साईकल राईडरहरुको सहभागिता रहेको थियो । बुटवलबाट तानसेनको रानीमहल ५३ किलोमिटर दुरीमा पर्दछ । प्रेमको प्रतिक रानीमहल लाई देश विदेशमा परिचित गराउन, यस क्षेत्रमा पर्यटहरुको आवगमनमा वृद्धि गराउदै नेपाल भ्रमण वर्ष २०२० लाई सफल बनाउन साईकल यात्रा कार्यक्रम गरिएको रुपन्देही साईकल संघका अध्यक्ष पुकार थापाले बताए । साईकल यात्रीहरु बुटवलबाटै साईकल चलाएर रानीमहलमा पुगेका थिए । बुटवलदेखि रानीमहलसम्म साईकल चढेर यात्रा गर्दा बेग्लै किसिमको आनन्द आएको सहभागीहरुले बताएका छन् । साईकल यात्राीहरुले रानीमहलमै एक रात बिताए । रानीमहललाई संरक्षण गर्दै आवश्यक भौतिक पूर्वाधार होटल व्यवसाय बढाउँदै लैजानुपर्ने सहभागीहरुले बताए ।

साईकल यात्रुहरु रानीमहलबाटै साईकल चढेर बुटवलको यात्रा गरेका छन् । साईकल यात्रुहरुलाई तानसेनमा विभिन्न संघ संस्थाहरुबाट स्वागत गर्दै जिल्लाका अन्य स्थानहरुमा पनि यो अभियान सञ्चालन गर्न आग्रह गरेका छन् । यस प्रतियोगिताले विदेशी तथा स्वदेशी साईकल पारखीहरुको लागि नयाँ गन्तव्यको विकास हुने पर्यटकहरुको संख्या वृद्धि हुने अपेक्षा आयोजकले लिएको छ ।