काठमाडौँ, २८ जेठ । उपत्यकामा रात्री बस सेवा पुनः सञ्चालन हुने भएको छ । सात वर्षअघि सञ्चालनमा आएको यो सेवा प्रभावकारी हुन नसक्दा बन्द भएको थियो । रात्रीकालीन यात्रुसेवालाई व्यवस्थित गर्न रात्रीकालीन यातायात सेवा सुचारु हुन लागेको हो ।

रात्रीकालीन यात्रुलाई यातायात सेवा दिन यातायात विभागबाट यही असार १ देखि पुन यो सेवा सुचारु हुने भएको छ । करिब ७ वर्ष पहिले बन्द भएको रात्री यातायात सेवा पुनः संचालनमा आउन लागेको हो । रातीको समयमा यात्रुलाई सेवा दिन सरकारले रात्री बस सञ्चालन गर्ने तयारी गरेको हो । तत्कालीन उपप्रधानमन्त्री नारायणकाजी श्रेष्ठको पहलमा २०६९ को भदौबाट रात्रीकालिन बस सेवा सुरु भएको थियो । तर रातको समयमा यात्रुको चाप कम भएकाले सवारी सञ्चालन खर्च उठाउन नसकेको भन्दै बन्द भएको थियो ।

काठमाडौंमा अधिकांश रुटमा यात्रुहरुलाई रातको ८ बजेपछि गाडी पाउन धेरै मुस्किल पर्छ । सवारी कम भएपछि र यात्रुहरुको चाप बढ्दै गएपछि रातीको समयमा सवारीहरुमा यात्रु कोचिएर यात्रा गर्न बाध्य छन् । काठमाडौ उपत्यकाभित्र सात बजेपछि यात्रुहरुको लागी सार्वजानिक ठुला सवारीसाधान उपलब्ध नभएको कारण रात्री बस सञ्चालन गर्ने तयारी गरेको यातायात विभागका प्रवक्ता तिर्थराज खनाल बताउँछन ।

यातायात व्यवस्था विभागले रात्री बस सेवा सुरु गर्ने प्रस्ताव गरेपछि एक दर्जन यातायात कम्पनीले समेत यसमा चासो दिएका छन् । राति सार्वजनिक यातायात नहुँदा उपत्यकाको यात्रुहरुलाई धेरै नै समस्या हुदै आएको छ । यसका लागि विभागले महानगरिय टाफ्रिक प्रहरी, काठमाडौ महानगरपालीका, यातायात व्यवसायी तथा यससँग सम्बन्धित विज्ञसँग छलफल भएको विभागले जनाएको छ ।

साँझसम्म काम गर्ने मजदुर तथा व्यावसायीहरु राती बस नपाउँदा घर फर्कन समस्या भएको भन्दै पटक पटक गुनासो आएको प्रवक्ता खनालको बताए । गुनासो बढ्दै गएपछि समस्या सामधानका लागि महानगरिय टाफ्रिक प्रहरी, काठमाडौ महानगरपालीका, उपभोक्ता समुह र निजि क्षेत्रका यातायात व्यवसायीहरुसंग पनि छलफल भएको प्रवक्ता खनाल बताउँछन ।

सरकारले पुनः संचालनमा ल्याउने यातायात सेवा सूचारु सबैका लागि खुशीको सन्देश हो । तर सरकारले सेवा सुचारु गरेपछि सेवाको अनुगमन गर्न र यसलाई निरन्तरता दिन सकेमा मात्रै सरकारी लक्ष्य पुरा हुनेछ ।