सिरहा,३० जेठ । जिल्ला प्रहरी कार्यालय सिरहाका प्रहरी प्रमुख एसपी उमा चतुर्बेदिको एक देखि अर्को सफलता सिरहाबाट अपहरण गरी गोली हानेर हत्या गरेका एक अभियुक्तलाई प्रहरीले पक्राउ गरेको छ । पक्राउ पर्नेमा औराही गाउँपालिका वडा नम्बर( २ का गंगाराम मण्डल छन् ।

गत २०७५ साल मंसिर ८ मा सिरहाको धनगढीमाई नगरपालिका वडा नम्बर(६ का सुभाष कुमार यादवको अपहरण भएको थियो । उनको अपहरण पश्चात भारतको मधुवनी लगेर गोली हानी यादबलाई गम्भिर घाईते बनाएका थिए । घाईते यादबको उपचारको क्रममा ०७५ मंसिर ९ मा ज्यान गएको थियो ।

उक्त घटनामा मण्डलको संलग्नता रहेको खुलेपछि उनी फरार थिए । प्रहरीले मण्डललाई सिरहा नगरपालिका वडा नम्बर ७ बाट पक्राउ गरेको बुझिएको छ । उनीमाथि कारबाही प्रक्रिया प्रहरीले अगाडी बढाएको जिल्ला प्रहरी कार्यालय सिरहाका प्रवक्ता प्रहरी नायक उपरीक्षक अपिलराज बोहराले जानकारी दिए ।