सिरहा , १९ असार  । सिरहाको औरिहि गाउँपालिकामा अध्यक्षकै लापरवाहीले बिकाश हुन नसकेको स्थानियले आरोप लगाएका छन । स्थानिय तहको चुनाव करीब २ बर्ष बितिसक्दा पनि औरिहि गाउँपालिकाको बिकाश कार्य हुन नसकेको आरोप स्थानियको रहेको छ ।

स्थानिय तहको चुनाव सम्पन्न भएको करीब २ बर्ष बितिसक्दा पनि अध्यक्ष सिद्धाथ यादवको चरम लापरबाहीले औरिहि गाउँपालिकामा बिकाशको कार्य हुन नसकेको आरोप स्थानियको रहेको छ । बर्षायामको बेला पानी पर्नसाथ मुख्य सडक लगायत प्राय सबै जसो सडकको खाल्डो खुल्डीमा पानी जम्मा हुने गरेतापनि अध्यक्ष यादव मौन बस्नु बिडम्बनाको बिषय बनेको स्थानियहरूको आरोप रहेको छ ।

औरिहि गाउँपालिका निवासी अनिल यादवले गाउँपालिकाका अध्यक्ष सिद्धाथ यादवले स्थानिय तहको चुनाव अगाडी बिकाशको कार्य अगाडी बढाउने जनता बिच गरेको वाचालाइ पूरा गर्न नसकेको आरोप लगाउनु भयो । उहाले एबिसी सम्बादाता सङ कुरा गर्दै औरिहि गाउँपालिकाको अध्यक्ष यादव चुनाव जित्नसाथ जनता बिच गरेको वाचालाइ बेवास्ता गरेको कारण बिकाशको कार्य अगाडी नबढेको बताए ।

स्थानिय तहको चुनाव पश्चात् आफूले औरिहि गाउँपालिका लाई एउटा नमूनाको रूपमा परिणत गर्ने भनेका अध्यक्ष यादवले २ बर्षको कार्य अवधीमा केही बिकाशको कार्य गर्न नसकेको आरोप स्थानियवासीको रहेको छ । बिकाशको कार्य हुन नसक्दा स्थानियवासीले आफै चुनेका अध्यक्ष यादव लाई बिफल अध्यक्षको रूपमा लिन थालेका छन । स्थानियले आउने चुनावमा यसको जवाब आफ्नो मतको अधिकारले दिने बताएका छन ।