काठमाडौं ५ साउन । झापा आन्दोलनका एकजना अगुवा राधाकृष्ण मैनालीले १४ वर्षभन्दा बढी जेल जीवन मध्ये प्रधानमन्त्री केपी शर्मा ओली र आफू नंग– मासु जस्तै सम्वन्धमा दश वर्ष विताएको बताउनु भएको छ। तर बहुदलीय व्यवस्थाको स्थापना पछि ओलीसंग नम्र सम्वन्ध सुमधुर बन्न नसकेको बृतान्त मैनालीको छ। एबीसी न्युज टेलिभिजनको कार्यक्रम आउटलुकका लागि प्रधानसम्पादक शुभशंकर कंडेलसंग कुरा गर्दै मैनालीले पछिल्लो समय तत्कालीन एमालेभित्रको निराशा र राजा ज्ञानेन्द्रको शान्ति कायम गर्ने भन्ने कुरामा आफू झुक्किएर राजाको मन्त्री बन्न पुगेको स्पष्टीकरण दिनुभएको छ ।
तत्कालीन झापा आन्दोलनका चर्चित कमाण्डरहरु केपी ओली, मोहन चन्द्र अधिकारी मैनाली दाजु भाई सीपी र आरके लगायतका थिए । ०४६ सालको बहुलद स्थापनाका बेला तत्कालीन वाम मोर्चाका तर्फबाट दरबारमा गएर वीरेन्द्रसंग वार्ता गर्ने मध्येका एक थिए आर के मैनाली । ४ पटक मन्त्री बनेका मैनाली ०६१माघ १९ को ज्ञानेन्द्रको कू पछि झापाकै तत्कालीन एमाले नेता देवी ओझासहित आर के मैनाली समेत मन्त्रीबन्न पुगे ।

गणतन्त्र स्थापना भएपछि केहीसमय माओवादी प्रवेश गरेका मैनाली लामो समय त्यहां टिक्न सकेनन् । माओवादी नेताहरुले स्थायी समितिमा राख्ने भनेर प्रवेश गराए पनि वेइमानी गरेको मैनालीको भनाई छ । त्यसभन्दा पनि बढी दुःख बहुदलीय व्यवस्था आइएसेकपछि जनकपुर क्षेत्रका ग्यांग नायक रहेका रामचन्द्र झालाई एमाले प्रवेश गराएको थियो । तिनै झाभन्दा मुनि मैनालीलाई राख्ने भनेपछि मैनाली माओवादीबाट बाहिरिएको बताएका छन् । त्यसपछि पुनः एमाले फर्केका मैनाली पुनः एमाले परित्याग गरेर स्वतन्त्र रुपमा रहेका छन् ।
मैनालीले झापा आन्दोलनदेखि माओवादी आन्दोलन हुंदै एमाले माओवादी एकता सम्वन्धी आफ्नै खाले रोचक विश्लेषण गरेका छन् । हेर्नुहोस् भिडियो वार्ता ।