काठमाडौं, ४ भदौ । प्रधानमन्त्री केपी शर्मा ओली र भारतीय विदेशमन्त्री एस जयशंकरबीच भेटवार्ता भएको छ ।
प्रधानमन्त्री केपी शर्मा ओली र भारतीय विदेशमन्त्री एस जयशंकरबीच बुधबार दिउँसो दुई बजे शिष्टाचार भेटवार्ता गर्नुभएको हो ।
बुधबार मात्र नेपाल आएका विदेशमन्त्री जयशंकर प्रधानमन्त्री ओलीलाई भेट्न बालुवाटार पुगेका थिए । जयशंकर नेपाल भारत संयुक्त आयोगको बैठकमा भाग लिन नेपाल आएका हुन् । जयशंकरले राष्ट्रपति विद्यादेवी भण्डारीसँग पनि शिष्टाचार भेटवार्ता गर्ने बताइएको छ । नेपाल र भारतका परराष्ट्रमन्त्रीले अध्यक्षता गर्ने बैठकमा नेपाल र भारतबीचका विभिन्न विषयमा छलफल हुनेछ । बैठक बुधबार र बिहीबार हुनेछ ।
प्रतिक्रिया दिनुहोस्