काठमाडौं, २५ भदौ । भारतको मोतिहारीदेखि नेपालको अमलेखगन्जसम्मको ७० किलोमिटर लामो अन्तरदेशिय
पेट्रोलियम पाइपलाइन सञ्चालनमा आएको छ । नेपाल र भारत दुवै देशका प्रधानमन्त्री भिडियो कन्फरेन्समार्फत् एकैसाथ स्विच थिचेर पाइप लाइनको औपचारिक रुपमा उद्घाटन गरेका छन । पाइपलाइनबाट पेट्रोलियम पदार्थको आयात भएपछि आपुर्तिको सुनिश्चितता, ढुवानीमा खर्च र समय ठुलो बचत हुनेछ ।

दक्षिण एसियाकै पहिलो अन्तर्देशीय मोतिहारी–अमलेखगन्ज पेट्रोलियम पाइपलाइनको उद्घाटन भएको छ । अन्तरदेशीय पेट्रोलियम पाइपलाइनको प्रधानमन्त्री केपी शर्मा ओली र भारतीय प्रधानमन्त्री नरेन्द्र मोदीले संयुक्त रूपमा उद्घाटन गरेका छन् । प्रधानमन्त्री तथा मन्त्रिपरिषद्को कार्यालयबाट प्रधानमन्त्री ओली र भारतीय प्रधानमन्त्री मोदीले नया“ दिल्लीस्थित हैदराबाद भवनबाट मोदीले एकैसाथ पेट्रोलियम पाइपलाइन उद्घाटन गरेका हुन ।

करिब २० वर्ष पहिलेदेखि चर्चामा रहेको मोतिहारी–अमलेखगन्ज पेट्रोलियम पाइपलाइनले लामो सयमसम्म छलफलमै सिमित बनको थियो । तर २०७३ साल चैत्र ३० गते प्रधानमन्त्री ओली र भारतका प्रधानमन्त्री मोदीबाट संयुक्त रुपमा पाइपलाइन बिछउने कार्यको शिल्यान्यास भएपछि पाइप लाइन निर्माणको कामले तिब्रता लिएको थियो । निमार्ण सूरु भएको ३० महिनामा सम्पन्न गर्ने सहमति भएपनि निर्धारित समयभन्दा १५ महिना अघि नै परियोजना सम्पन्न भएको छ । अब, मोतिहारी–अमलेखगन्ज पेट्रोलियम पाइपलाइनमार्फत प्रतिघण्टा दुई सय किलोलिटरका दरल अमलेखगन्जस्थित डिपोमा इन्धन खसाल्न सकिने छ । पाइनलाइन उद्घाटनपछि प्रधाननन्त्री ओलीले भारतीय सहयोगबाट पेट्रोलियम पाइपलाइनका अतिरिक्त अन्य आयोजना अघि बढिरहेको भन्दै अन्य आयोजनाहरु समेत समयमै सम्पन्न हुने विश्वास व्यक्त गरे ।

यस्तै भारतीय प्रधानमन्त्री मोदीले पनि नयां दिल्लीबाट सम्बोधन गर्दै दक्षिण एसियाकै पहिलो अन्तरदेशीय पाइपलाइन समय अगावै सम्पन्न भएकोमा खुसी व्यक्त गरे । मोदीले पाइपलाइनबाट पेट्रोलियम पदार्थको आपूर्तिपछि मूल्य घटाउने नेपाल सरकारको योजना नेपाली जनताको हितमा रहेको बताए । उनले पछिल्लो डेढ वर्षमा ओली र आफूबीच ४ पटक भेट भएको भन्दै यसले दुई देशको सम्बन्ध राजनीतिक तहमा उच्च विन्दुमा पुगेको समेत जिकिर गरे ।

दुई देशबीचको गौरवको आयोजनाको रुपमा हेरिएको पाइपलाइनको नेपालतर्फको ३७ दशमलव ५ किलोमिटरको सुरक्षाको जिम्मेवारी नेपाली सेनालाई दिइएको छ । अन्तरदेशीय पेट्रोलियम पाइपलाइन सञ्चालनमा आएसंगै आपुर्तिको सुनिश्चितता, ढुवानी भाडाको बचत, समयको बचत हुने देखिन्छ । पाइपलाईनमार्फत सुरुमा डिजेलमात्र ल्याउने नेपाल आयल निगमले जनाएको छ । यो पाइपलाइन उद्घाटनसंगै परियोजना मात्र ओगट्ने तर काम नगर्ने भारतीय एबं अन्य ठेकेदारहरुलाई समयमा काम सक्नका लागि सन्देश समेत दिएको छ ।