बुटवल, २७ असोज ।
गत असोज १७ गते हत्या भएकी बुटवल ज्योती नगरकी टिकीसरि गुरुङको हत्यामा संलग्न एक जनालाई बुटवल प्रहरीले पक्राउ गरेको छ ।
धारीलो हंसिया प्रयोग गरि हत्या गरिएकी गुरुङको हत्या अभियोगमा मकावानपुर जिल्ला हेटौडा घर भएका रामलामालाई प्रहरीले आज सार्वजानीक गरेको छ । लामालाई नुवाकोटबाट पक्राउ गरिएको ईलाका प्रहरी कार्यालय बुटवलका प्रमुख डिएसपी भिमलाल भट्टराईले जानकारी दिनुभयो । पुरानो रिसीयबि तथा गरगहना लुट्ने उद्देश्यले हत्या गरेको हुन सक्ने प्रहरीले अनुमान गरेको छ ।
बाख्रा चराउन गएकि गुरुङलाई हंसिया प्रहार गरि बुटवल बहुमुखी क्याम्पस पछाडीको जङ्गलमा फालिएको अवस्थामा प्रहरीले फेला पारेको थियो । ६६ वर्षिया गुरुङले लगाएको गरगहना समेत लुटपात भएका कारण पक्राउ परेका लामालाई कर्तब्य ज्यान र डांका चोरी अभियोगमा मुद्दा चलाई अनुसन्धान भईरहेको प्रहरीले जनाएको छ ।
बुटवल प्रहरीले दशंैको अवसर पारेर बुटवल आसपासमा जुवा तास खेलिरहेका तथा खेलाउनेलाई समेत गरि ४५ जना जुवाडेलाई पक्राउ गरेको समेत प्रहरीले बताएको छ । पक्राउ परेकाहरुबाट १ लाख ९१ हजार बढी रकम बरामद भएको प्रहरीले जानकारी दिएपनि जुवाडेहरुको नाम दिन भने प्रहरीले अस्विकार गरेको छ । पक्राउ परेकाहरुमा केहि राजनितीककर्मी तथा हाई प्रोपाईलका उद्योगीहरु समेत परेकाले नाम सार्वजानीक नगरेको श्रोतले दाबी गरेको छ ।