काठमाडौं २१ कात्तिक । नेपाल बायुसेवा निगमले चालु आर्थिक वर्षमा २ अर्ब रुपैया भन्दा बढि नाफा निकँल्ने रणनिति लिएको छ । तीन महिनामै ५५ करोड भन्दा बढि नाफा निकालेको निगमले अनाश्वक खर्चको कटौती र नया“ गन्तव्य बिस्तार गरेर घाटामा रहेको निगमलाई नाफामा ल्याउने योजना बुधबार सार्वजनिक गरेको हो । यस्तै निगमले आगामी मार्चसम्म जापानको नारिता, साउदीको रियाद र चीनको गोन्जाआ उडानको तयारी समेत गरेको छ ।

नेपाल वायुसेवा निगम नेपालको राष्ट्रिय ध्वजावाहक विमान हो । सरकारको स्वामित्वमा रहेको निगम लामो सयमदेखि अर्वाैको घाटामा छ । सन् १९५८ मा स्थापना भएको निगम अहिले ६१ वर्षमा पुग्दा समेत घाटाको व्यापार गरिहरेको छ । ६१ बर्षमा कुल ३७ अर्ब घाटामा निगम चलिरहेको छ । सबैभन्दा नाफा कमाउने निगममा जहिलेदेखि राजनीतिक हस्तक्षेप हुन थाल्यो त्यो बेलादेखि नै अधोगति सुरु भयो । निगम काण्डैकाण्डले थलिन पुग्यो । निगमले अहिले बिमान खरिदको लागि ऋण लिएको रकमको किस्ता समेत तिर्न सकेको छैन ।

राजनीतिक हस्तक्षेप, र बिमान खरिदको क्रममा हुने गरेका अर्वाैको भष्ट्रचारले नेपाल बायुसेवा निगम धरासायी बन्दै गयो । तर, निगमले अहिलेको दयनीय अवस्थाबाट माथि उठ्नको लागि महत्वकांक्षी लक्ष्य सार्वजनिक गरेको छ । आगामी आर्थिक वर्षमा २ अर्व भन्दा बढि नाफा गर्ने महत्वाकांक्षी योजना निगमले सार्वजनिक गरेको हो । निगमले चालु आर्थिक वर्षको पहिलो महिनामै ५८ करोड २८ लाख भन्दा बढि नाफा गरेको जनाएको छ । यस आर्थिक वर्षमा २ अर्ब २७ करोड ६१ लाख भन्दा बढि नाफा कमाउने लक्ष्य लिएको निगमका कार्यकारी अध्यक्ष मदन खरेल बताउंछन् ।

नाफा बढाउनका लागि निगमले अन्तराष्ट्रिय उडा बढाउनुका लागि आन्तरिक उडान व्यवस्तथित गर्ने रणनीति लिएको छ । जसको लागि निगमले आफनो सेवा बिस्तार गर्ने योजना बनाएको छ । सन् २०२० मार्चसम्ममा जापानको नारिता, साउदीको रियाद र चीनको गोन्जाओ उडान भर्ने निगमको तयारी छ । दुई वटा वाइड वडी र दुईवटा न्यारो बडीबाट अन्तराष्ट्रिय उडान गर्दै आएको निगमको गन्तव्य कम हुंदा र भएका गन्तव्य समेत सही ढंगले नचुनिंदा घाटा बढ्दो थियो । निगमले अहिले ल्याएका नयां गन्तव्य तुलनात्मक रुपमा नाफा कमाउने गन्तव्य हुन् । तर निगमको योजना भएपनि राम्रो व्यवस्थापन हुन सकेन भने फेरि पनि गन्तव्य खुम्चिने सम्भावना छ । त्यसो त, अहिले निमगसंग आन्तरिक उडान भर्ने बिमान ९ वटा छन । तरपनि ४ वटा जहाज मात्र संचालनमा छन । ती मध्येपनि पनि चिनिया“ ट्विनेटर बिमान बेलाबेलामा बिग्रिने गरेकोले बिमानको आन्तरिक उडानमा समस्याग्रस्त छ । समयमा बिमानको पाटर्स नआउने भएको कारण धेरै बिमान ग्राउन्डडे छन् ।

समस्यै समस्यामा गुज्रिएको बिमान कम्पनीमा नया“ आएको सञ्चालक समितीले राष्ट्रिय ध्वजावाहक विमानको अवस्थालाई सुधारको लागि नया रणनितिक ल्याएको छ । बिगममा हुने गरेको इन्धनको दुरुपयोग, धेरैमाथि उड्दा लाग्ने खर्च लगायक अनावश्यक खर्चलाई कटौती गर्दै ग्राहक सेवा बिस्तार गर्ने लक्ष्य निगमले लिएको छ । यस आर्थिक वर्षमा लिएको गन्तव्य विस्तार तथा व्यावसायिक कार्ययोजनाले सधै घाटाको साथै बजार हिस्सा समेत गुमाउदै आएको निगमलाई सुधारको लागि नया योजना हुन सक्छ । योजना बनाउनु ठूलो कुरा हैन, योजना कार्यान्वयनका लागि इमान्दारितापूर्वक लाग्नु ठूलो र गम्भीर कुरा हो । निगमको व्यवस्थापकीय क्षमतामा सुधार हुन सकेन भने यो महत्वकांक्षी योजना भुत्ते सावित हुनेछ । लामो समयदेखि आर्थिक अभावमा गुज्रिएको निगमले प्रतिस्पर्धी बन्न नसके अस्तित्व नै समाप्त हुन समेत धेरै समय लाग्ने छैन ।