अछाम २७ कार्तिक । अछाम मेल्लेख गाउँपालिका वडा नं ५ बिन्देबासीनिमा आगामी मंसिर १४ गते हुने उपनिर्वाचनको लागि दुई दलले आज मनोनयन दर्ता गरेका छ्न । सम्बन्धित स्थानीय तहस्थित निर्वाचन अधिकृतको कार्यालयमा उम्मेदवारी दर्ता गर्न सकिने प्रावधान अनुसार मनोनयन दर्ता गरेको हुन । नेपाल कम्युनिस्ट पार्टीबाट रमेश बहादुर खड्काले मनोनयन दर्ता गर्नुभएको छ ।

खड्काको समर्थक वीर बहादुर साउद प्रस्तावक गोरख बहादुर खडका रहनुभएको छ । नेपाली काग्रेसको तर्फबाट वीर बहादुर बोहराले उम्मेदवारी दर्ता गर्नुभएको छ । बोहराको प्रस्तावक प्रकाश अधिकारी समर्थनकमा पदम बहादुर खड्का रहनुभएको छ । बिहान १० बजेदेखि १ बजे मनोनयनको दर्ता रहेको समयमा दुई पार्टीले मनोनयन दर्ता गरेको मुख्य निर्वाचन अधिकृत नवीन कुमार जोशीले जानकारी दिनुभयो । उम्मेदवारको सूची आजै प्रकाशन गरिने छ । भोलि उम्मेदवार माथि उजुरी गर्ने, २९ गते नामावली प्रकाशन गर्ने, ३० गते उम्मेदवारले नाम फिर्ता लिने र उम्मेदवारको अन्तिम नामावली प्रकाशन गर्ने आयोगले जनाएको छ ।

उम्मेदवारहरुलाई मंसिर १ गते निर्वाचन चिह्न प्रदान गरिने छ । त्यस्तै, ३७ जिल्लाका ४३ वडा अध्यक्षको पनि निर्वाचन हुँदैछ । प्रतिनिधी सभा र प्रदेश सभाका चार पदका लागि भने यस अघि नै उम्मेदवारी दर्तालगायत सकिएको छ । चार पदका लागि ६४ जना उम्मेदवार चुनावी मैदानमा छन् ।