नेपालगन्ज, १२ माघ ।
नेपालगन्ज उद्योग बाणिज्य संघको ३ वर्षे कार्यकालको निर्वाचनमा अब्दुल वाहिद मन्सुरी चुन्ना अध्यक्ष पदमा निर्वाचित भएकाछन् ।
शनिबार सम्पन्न निर्वाचनको आज भएको मत गणनाको अन्तिम परिणाम अनुसार चुन्नाले १५१०.मतका साथ निर्वाचित भएका हुन् भने उनका प्रतिद्धन्दी ललित कुमार रौनीयारले १२३४ मतका साथ पराजीत भएकाछन् ।
उपाध्यक्ष पदमा उद्योग तर्फबाट आदेश कुमार अग्रवाल निर्वाचित भएकाछन् भने बाणिज्य तर्फबाट अमित बस्नेत निर्वाचित भएकाछन् ।
निर्वाचनमा सामावेशी र साझा प्रजातान्त्रीक प्यानल बनाएर निर्वाचनमा भिडेका नेपालगन्जको ब्यवसायीहरुमा समावेशी प्यानललाई नेपाल कम्युनिष्ट पार्टी नेकपा, संघिय समाजबादी फोरम लगायतका राजनितीक पार्टीको समर्थन रहेको थियो भने साझा प्रजातान्त्रीक प्यानललाई नेपाली कांग्रेस र राप्रपाको समर्थन रहेको थियो ।
अध्यक्ष चुन्नाले समावेशी र प्रतिद्धन्दी रौनीयारले साझा प्यानलबाट निर्वाचनमा सहभागिता जनाएका थिए । उपाध्यक्षमा अग्रवाल समावेशी र बस्नेत साझा प्यानलबाट उम्मेदवार बनेका थिए ।
संघको निर्वाचन परिणाम अनुसार १२ जना सदस्यका लागि भएको निर्वाचनमा समावेशी प्यानलबाट हरिलाल न्यौपाने, चिरञ्जीवी ओली, श्यामसुन्दर अधिकारी, विजय भण्डारी बासु, मन्दिरा पाण्डे, धर्मराज अर्याल, टंक बहादुर धामी र भिम बहादुर रानाभाट तथा साझा प्रजातान्त्रिक समुहबाट टंक प्रसाद शर्मा, बिन्दु चर्ती मगर, बिष्णु प्रसाद श्रेष्ठ र टेक बहादुर खड्का विजयी भएका छन् ।
एसोसियट तर्फ साझाबाट संजय अग्रवाल र समावेशीबाट दिपेन्द्र बिष्ट निर्वाचित भए भने बस्तुगत तर्फ साझाबाट सलाउद्दीन जसगढ निर्वाचित भएका थिए । अर्को बस्तुगत सदस्यको मत बराबर भएको निर्वाचन समितीले जनाएको छ ।
निर्वाचन समितीले अन्तीम परिणाम भने घोषणा गरेको छैन । केहि छुटेको र सहमती कायम गर्नुपर्ने मत गणना गरेपछि परिणाम घोषणा गरिने जनाईएको छ ।