बुटवल, १७ माघ ।
प्रदेश नम्बर ५ प्रदेशसभाले मुलुकको ७ वटा प्रदेशमा उत्कृष्ठ काम गरेको दाबी गरेको छ ।
प्रदेशसभा स्थापना भएको अवसरमा आज बुटवलमा प्रदेशसभाले आयोजना गरेको पत्रकार सम्मेलनमा यस्तो दाबी गरिएको हो । पत्रकार सम्मेलनमा बितरण गरिएको बिज्ञप्ती अनुसार ०७६ साउन देखि अहिले सम्म १० वटा बिधेयक सभाबाट पारित भई प्रमाणीकरण समेत भएको उल्लेख गरिएको छ । वाताबरण संरक्षण सम्बन्धमा ब्यवस्था गर्न बिधेयक दर्ता भई सभामा पेश हुन बांकी रहेको र सुशासनको प्रत्याभू ितगर्ने सम्बन्धमा ब्यवस्था गर्न बिधेयक प्रमाणिकरण हुन बांकी रहेको पत्रकार सम्मेलनमा जानकारी गराईएको थियो ।
पत्रकार सम्मेलनमा बोल्दै प्रदेशसभाका सचिव दुर्लभकुमार पुनले प्रदेशसभाले पारित गरेका बिधेयक कार्यान्वयनमा सभाले बिशेष जोड दिएको बताउनु भयो उहांले संसदिय निगरानीलाई प्रभावकारी बनाउंदै संसदिय समितीहरुले अनुगमन गर्ने र प्रतिबेदन प्रस्तुत गर्ने कार्यलाई तिब्र बनाईएको जानकारी दिनु भयो ।
प्रदेशसभाको ४ वटा बैठकमा १ सय ८ दिनमा १ सय १५ बैठक लाई १ सय ३१ घण्टा ८६ मिनट खर्च गरिएको सचिव पुनले बताउनु भयो । प्रदेश नमबर ५ प्रदेशसभाले हाल सम्म ५१ वटा बिधेयक दर्ता भएकोमा ४८ वटा बिधेयक सभाबाट पारित भएका छन् । ८७ सदस्सीय प्रदेशसभामा पूमख प्रतिपक्षदलका नेता बलदेवशार्मको अघिल्लो साता निधन भएपछि ८६ जना सदस्य रहेकाछन् ।