पोखरा । गण्डकी प्रदेशका मुख्यमन्त्री पृथ्वीसुब्बा गुरुङले दिगो समृद्धिका लागि लगानी अपरिहार्य रहेको बताउनुभयो । पोखरामहा नगरपालिकाले पोखरामा आयोजना गरेको दुई दिने ‘दीर्घकालिन सोच तथा समावेशी आर्थिक विकास रणनीति तर्जुमा कार्यक्रमलाई आज सम्बोधन गर्दै मुख्यमन्त्री गुरुङले यस्तो बताउनुभएको हो ।

उहाले भविष्यलाई हेरेर दिगो समृद्धिका लागि लगानी अपरिहार्य रहेको धारणा राख्नुभयो । पोखरा महानगरपालिकाले अघि सारेको ‘भिजन २०४०’ को लक्ष्य जायज रहेको बताउदै विभिन्न क्षेत्रमा लगानी भित्राउन आवश्यक रहेको उल्लेख गर्नुभयो । उहाले कुल ग्राहस्थ उत्पादनका आधारमा लगानी गर्नुपर्ने बताउनुभयो । ‘जिडिपी बढ्दा कति प्रतिशत योगदान हुन्छ, आर्थिक बृद्धिदर कति हुन्छ, उहाले भन्नुभयो ‘सँघले १० प्रतिशतको हाराहारी बढाउने र प्रदेशले १०।२ र सन् २०३० मा पुग्दा ११ प्रतिशत आर्थिक बृद्धिदर कायम गर्नुपर्छ ।

’ मन्त्री गुरुङले प्रदेशको आर्थिक बृद्धिदर कायम गर्ने कार्यमा पोखरा महानगरपालिकाले टेवा पुर्याउनु पर्ने बताउदै भन्नभयो , ‘गाउँपालिकाले ठुलो सहयोग गर्न सक्दैन ।’ उनले जिडिपी १०।२ पुगेको खण्डमा गरिबी निवारण सम्भव रहेको बताउदै प्रदेश सरकारले १४।५ मा रहेको गरिबी ७ प्रतिशतमा झार्ने लक्ष्य रहेको उल्लेख गनुभयो । ‘सन् २०३० मा पुग्दा प्रदेशमा २ प्रतिशतमा झार्ने छौ ।’ उहाले समृद्धिको लागि कृषि, उद्योग र उर्जामा लगानी बढाउनु पर्ने उल्लेख गर्दै उर्जामा ३ हजार मेगावाट भन्दा बढि बनाउनुपर्ने बताउनुभयो ।

पोखरा महानगरपालिकाले कृषिमा भन्दा पर्यटनमा ध्यान दिन सुझाब दिदै मुख्यमन्त्री गुरुङले भन्नुभयो ‘ग्रीन ईन्भाईरोमेन्टलाई पनि प्राथमिकतामा राख्नुस ।’ उहाले ‘भिजिट २०४०’ को लक्ष्य प्राप्तिका लागि शुभकामना व्यक्त गर्दै समन्यव हुन नसक्दा समृद्धिमा धक्का लागेको धारणा समेत बताउनुभयो ।