सुर्खेत, ५ जेठ– भारतबाट फर्किएका एक युवकमा कोरोना भाइरस (कोभिड–१९) संक्रमण पुष्टि भएको छ ।
दैलेख आठबीसकोट नगरपालिकाका ३५ वर्षीय पुरुषमा कोरोना पुष्टि भएको कर्णाली प्रदेश अस्पताल सुर्खेतका मेडिकल सुपरिटेन्डेन्ट डा. डम्बर खड्काले जानकारी दिनुभयो ।
सुर्खेतमा पीसीआर परीक्षण रिपोर्ट पोजेटिभ आएको र पुनः परीक्षणका लागि स्वाब संकलन गरी नेपालगञ्जस्थित प्रयोगशाला पठाइएको र नेपालगञ्ज प्रयोगशालामा गरिएको परीक्षणका क्रममा संक्रमण देखिएको कर्णाली प्रदेश अस्पतालका निर्देशक खड्काले जानकारी दिनुभयो । कर्णालीमा कोरोना देखिएको यो पहिलोपटक हो । प्रदेश सरकारले कोरोना रोकथाम तथा नियन्त्रणका लागि प्रदेश सिल गरेको छ ।
प्रतिक्रिया दिनुहोस्