दैलेख, १७ जेठ । दैलेख जिल्लाको दुल्लु नगरपालिका वडा नं ११ का एक जना ब्यक्तिको मुत्यु भएको छ । शनिवार विहान उनको दुल्लु नगरपालिका वडा नं ७ स्थीत नेपाल विधुत प्राधिकरणको भवन क्वारेन्टाइनमा मृत्यु भएको हो । मृत्यु के कति कारणले भएको हो भन्ने बारेमा अनुसन्धान भइरहेको प्रहरीले जनाएको छ ।

जेठ ९ गते भारतको गुजरातबाट नेपाल आएका दुल्लु नगरपालिका वडा नं ११ खागितडाका ३५ बर्षिया कर्ण बहादुर थापाको शविबार विहाना चिया खाएर आराम गरिरहेको र एकासि मृत्यु भएको खबर आएको दुल्लु वडा नं ७ का वडा अध्यक्ष लालबहादुर रावतले बताए ।

उनको कोरोना परिक्षणको लागि १५ गते कोरोना जाँचका लागि स्वाव लिई कर्णाली स्वास्थ्य विज्ञान प्रतिष्ठानमा पठाइएको थियो । यसको रिपोर्ट शविबार दिउसो आउँने भएकाले उनको कोरोनाको कारण वा अन्य कुनै कारणले मृत्यु भएको भन्न बारेमा थप जानकारी आउँन बाँकी छ ।