काठमाडौं २२ असार प्रधानमन्त्री शेरबहादुर देउवाले राष्ट्रिय एकतालाई बलियो बनाउन सबै पक्ष लाग्नुपर्नेमा जोड दिनुभएको छ ।
प्रधानमन्त्री देउवाले सबै भाषा र समुदायबीच सदभाव कायम हुने गरी समाचार सम्प्रेषण गर्न पनि संचारकर्मीहरुसग आग्रह गर्नुभयो । उहा“ले नेपालमा जति प्रेस स्वतन्त्रता विश्वका अन्य मुलुकमा नरहेको दावी गर्नुभयो । नेपाल पत्रकार महासंघका अध्यक्ष डाक्टर महेन्द्र विष्टद्वारा लिखित ‘नेपालमा प्रेस स्वतन्त्रता’ नामक पुस्तकको विहिबार काठमाडौंमा सार्वजनिक गर्दै उहा“ले सही सूचना पाउनु नागरिकको अधिकार भएको स्मरण गराउनुभयो ।
प्रधानमन्त्री देउवाले समाचार सत्य, तथ्यपरक नहुदा पाठकलाई ठूलो अन्याय हुनेतर्फ पनि संचारकर्मीहरुको ध्यानाकर्षण गराउनुभयो । उहा“ले संविधानले नै प्रेस स्वतन्त्रताको ग्यारेन्टी गरेकाले सो अधिकारलाई उपयोग गर्न पनि संचारकर्मीहरुले सत्य, तथ्य समाचार सम्प्रेषण गर्ने बेला आएको पनि उल्लेख गर्नुभयो ।
राष्ट्रिय मानव अधिकार आयोगका अध्यक्ष अनुपराज शर्माले प्रेस स्वतन्त्रताको हकलाई संविधानले नै सर्वोपरी हकको रुपमा उल्लेख गरेपनि त्यसलाई निर्वाध रुपमा उपयोग गर्ने अवस्था नेपालमा अझै नरहेको बताउनुभयो । उहा“ले प्रेस स्वतन्त्रता र मानव अधिकारबीच अन्योन्याश्रित सम्बन्ध रहेको उल्लेख गर्दै त्यसको उपयोग निर्वाध रुपमा गर्न पाउनुपर्ने पनि उल्लेख गर्नु भयो ।