काठमाडौं २ असोज । नेकपा मशालका महामन्त्री मोहन विक्रम सिंहले इतिहासमा एकीकृत कम्युनिष्ट पार्टी बनाउने सन्दर्भमा पुष्पलाल र निर्मललामा संगको बहस र विवादमा कमजोरी भएको स्वीकार गर्नुभएको छ । । नेता सिंहले माओवादी र एमालेबीचको एकताले देशको राजनीति स्थिति नै बदलेको बताउनु भएको छ । नेकपा क्रान्तिकारी नभएपनि देशभक्त र वामपन्थी पार्टी भएकाले देशको स्थिरता र प्रतिक्रियावादी हरकतलाई रोक्ने शक्ति यही मात्र रहेको समेत ठोकुवा गर्नुभएको छ ।

सिंहसंग एबीसी न्युजका अध्यक्ष तथा प्रधानसम्पादक शुभशंकर कंडेलसंग आउटलुक कार्यक्रमका लागि कुरा गदैै नेता सिंह ले नेपालको कम्युनिष्ट आन्दोलनमा प्रचण्ड र मदन भण्डारी निकै चलायमान र नेता भएको समेत विश्लेषण गर्नुभएको छ ।

प्रचडको सक्रियाताले २०४० सालमामा निर्मल लामाले हामीलाई युवक मोर्चालाई पार्टीको समानान्तर संगठन बनाएको समेत आरोप लगाउनु भयो । प्रचण्डजी त्यो मोर्चोको संयोजक हुनुहुन्थ्यो । उहांको सक्रियाताले त्यसले निकै राम्रो संगठन बनेको पनि थियो । त्यो प्रचण्डको विशेष क्षमता हो । नेता सिंहहले मदनको हत्या भएपछि आफूले मदन बांचेको भए भन्दै दुई वटा लेख मार्फत देशको अवस्था अर्कै हुने विश्लेष्णा प्रस्तु गरेको समेत सुनाउनु भयो ।

नेता सिंहसंग ऐतिहासिक देखि बर्तमान नेकपाको विवाद र कम्युनिष्ट आन्दोलनका बारेमा गरिएको विशेष कुराकानीको पूरा भाग २०७७ असोज ३ गते र शनिबार राती ९ बजे प्रससारण भएको थियो ।