काठमाडौं, ९ पुस । नेपाल कम्युनिष्ट पार्टी (नेकपा) ओली समूहको केन्द्रीय समिति बैठक सुरु भएको छ । प्रधानमन्त्री निवास बालुवाटारमा सुरु भएको बैठकमा गृहमन्त्री समेत रहेका सचिवालय सदस्य रामबहादुर थापा बादल समेत उपस्थित हुनु भएको छ । बैठक सुरु हुनुअघि नै गृहमन्त्री बादल बालुवाटार पुग्नु भएको थियो । बालुवाटार पुगेर बादलले प्रधानमन्त्री केपी शर्मा ओलीसँग भेटवार्ता गर्नुभएको थियो । केन्द्रीय समितिको बैठकमा बादल मञ्चमा बस्नु भएको छ। लामो समयको तटस्थता तोड्दै अन्ततः बादल ओलीको पक्षमा उभिनु भएको छ । यसबीचमा दुवै पक्षका भेला बैठकहरुमा सहभागी नभएका बादल अहिले केही बेरअघि ओली नेतृत्वको नेकपाको केन्द्रीय कमिटी बैठकमा भाग लिन प्रधानमन्त्री निवास बालुवाटारमा पुग्नु भएको हो ।
१० असार २०८३, बुधबार
नेकपा ओली समूहको केन्द्रीय समिति बैठकमा बादलको ‘इन्ट्री’
प्रतिक्रिया दिनुहोस्