काठमाडौं, १६ पुस ।नेपाली कांग्रेसका सभापति शेरबहादुर देउवाले अदालतलाई प्रभाव पार्ने गरि कांग्रेसले आन्दोलन नगर्ने प्रष्ट पार्नुभएको छ । मेलमिलाप दिवसका अवसरमा सूचना,सञ्चार तथा प्रचार विभागले गरेको भर्चुअल संवादमा देउवाले अदालतमा विचाराधीन मुद्धामा नबोल्ने बताउनुभयो । संसद भंग गर्ने सरकारको निर्णय असंवैधानिक भएको बताउदै देउवाले अदालतलाई प्रभाव पार्ने गरि धम्क्याउन नमिल्ने तर्क गर्नुभयो । भर्चुअल संवादमा पूर्वप्रधानमन्त्री समेत रहनुभएका देउवाले लोकतान्त्रिक गणतन्त्र संस्थागत गर्न हुने बेलामा प्रधानमन्त्री ओलीले असंवैधानिक कदम चालेको बताउनुभयो । ओलीको असंवैधानिक र अलोकतान्त्रिक कामको कांग्रेसले विरोध गरिआएको देउवाको भनाइ छ । उहाले संसद पुनस्र्थापनाको कुरै उठाउन चाहानुभएन । नेपाली कांग्रेसले पुस १६ गतेलाई मेलमिलाप दिवसका रुपमा मनाउँदै आएको छ। आज कांग्रेसले देशैभर ४५औं मेलमिलाप दिवस विभिन्न कार्यक्रम गरि मनाइरहेको छ।