काठमाडौं, ६ माघ । प्रतिनिधिसभा विघटनसम्बन्धी मुद्दामा सर्वोच्च अदालतको संवैधानिक इजलासमा निरन्तर सुनुवाइ भइरहेको छ। रिट निवेदकका तर्फबाट बहस गरेका अधिवक्ता शिवकुमार यादवले प्रतिनिधिसभा विघटन संविधानमाथिको प्रहार भएको बताउनुभएको छ । उहाको तर्क सनुेपछि न्यायाधीश सपना मल्ल प्रधानले प्रश्न गनुभयो, सरकाररप्रधानमन्त्री संविधानको धारा ७६ को १ बमोजिम हो कि २ बमोजिम ?

यादवले जवाफ दिनु भयो ७६ को २ अनुसारको प्रधानमन्त्री हुनुहुन्छ । किनभने, एउटा दलले सभामुख अर्कोले उपसभामुख लिएका छन् ।
यादवसँगै बहस गरेका अधिवक्ता शेरबहादुर ढुंगानाले ठूलो स्वरमा आफ्नो बयान गर्दै इतिहास सुनाउन थालेको भन्दै प्रधानन्यायाधीश राणा जंगिनुभयो । ढुंगानालाई रोक्दै राणाले भन्नुभयो तपाईं आफ्नो इतिहास नबताउनोस् । बिस्तारै बोल्नोस्, तपाईं जन्मेदेखिको कुरा यहाँ नसुनाउनोस् ।

बहसकै क्रममा अधिवक्ता हर्कबहादुर रावलले अहिले कुनै शासकले पृथ्वीनारायण शाह, हिटलर वा विन्सटन चर्चिलको पद्धति खोज्न नपाउने बताउनुभयो । उहाले संविधानले तोकेभन्दा बाहिरको सीमामा कोही जान नसक्ने तर्क समते गर्नुभयो । विगतका तीतो अनुभवबाट पाठ सिकेरै संविधानमा प्रधानमन्त्रीलाई संसद विघटनको विशेषाधिकार नदिइएको उहाको तर्क छ । यसअघि हिजो अधिवक्ताहरू दीनमणि पोखरेल र सरोजकृष्ण घिमिरेले बहस गर्नुभएको थियो । बहसका क्रममा उहाँहरूले संविधान निर्माणका क्रममा संविधानसभामा भएको छलफल र त्यसपछि तयार भएको अवधारणापत्रको कुरा उठाउनु भएको छ । आइतबारको सुनुवाइमा निवेदकतर्फका कानुन व्यवसायी र न्यायाधीशहरूबीच सवाल जवाफ भएको थियो । निवेदकतर्फका कानुन व्यवसायीहरू सन्तोष भण्डारी, गिरिराज भट्ट, दिनेश त्रिपाठी, भीमार्जुन आचार्य र सुनील पोखरेलले बहस गरेका थिए । उनीहरूले संसद विघटन पूर्णतः असंवैधानिक कदम भएको तर्क गरेका थिए ।