काठमाडौं, १६ माघ । पूर्वप्रधानमन्त्री तथा सत्तारुढ नेकपाको प्रचण्डमाधव समूहका नेता झलनाथ खनालले प्रधानमन्त्री केपी शर्मा ओली नेकपाका लागि बाँसमा रहेको पट्याँस जस्तै भएको बताउनुभयो । विराटनगरको विरोध सभालाई सम्बोधन गर्दै खनालले यस्तो बताउनुभएको हो । टुसा बढ्दै जाँदा बाँसले पट्याँसहरु फाल्दै जाने जस्तै नेकपा एकीकृत र समृद्ध बन्दै जाँदा ओली पनि पट्याँस जस्तै फालिएको नेता खनालले दाबी गर्नुभयो । उहाँले ओलीमा कम्युनिष्ट नैतिकता नरहेको भन्दै अब ओलीको राजनीति सकिएको टिप्पणी गर्नुभयो । ओलीले जेलमा रहेको समयमा पनि माक्र्स र कम्युनिज्म नपढेको भन्दै नेता खनालले जेलमा ओलीले रामायण र महाभारत पढेको आरोप लगाउनुभयो । ओली सकुनी बनेर नेकपा फुटाउन लागेको भन्दै अब सकुनीको जमाना नभएको समेत उहाँले बताउनुभयो ।
११ असार २०८३, बिहिबार
“बाँसले पनि पट्याँस फाल्छ, ओली नेकपाका पट्याँस हुन्” : झलनाथ खनाल
प्रतिक्रिया दिनुहोस्