जनकपुरधाम, ९ फागुन । जनकपुरधाम उपमहानगरपालिका- ७ स्थित नमस्कार होटेल एण्डमा एक महिला मृत अवस्थामा फेला परेकी छन् ।दुई दिनयता होटलमा बस्दै आएकी अन्दाजी ३५ वर्षीया महिला मृत फेला परेको प्रहरीले जनाएको छ ।धनुषाका प्रहरी प्रवक्ता मकेन्द्रकुमार मिश्रका अनुसार महिला होटेलको कोठा नम्बर ११३ मा झुण्डिएको अवस्थामा शनिबार राति मृत फेला परेकी हुन् ।मृत फेला पर्ने महिला महोत्तरी सदरमुकाम जलेश्वर नगरपालिका(२ बस्ने समीक्षा पोखरेल पाण्डे रहेको प्रहरीले जनाएको छ ।उनी दुई दिनअघि आफ्ना श्रीमानविरुद्व जिल्ला प्रहरी कार्यालय धनुषामा उजुरी दिन पुगेकी थिइन् । उजुरी दिएर उनी होटेलमै बसेको अवस्थामा मृत फेला परेकी हुन् ।घटनाको सम्बन्धमा थप अनुसन्धान भइरहेको प्रहरीले जनाएको छ ।
१८ भदौ २०८३, बिहिबार
श्रीमानविरुद्व उजुरी दिन आएकी महिला होटेलमा मृत फेला
प्रतिक्रिया दिनुहोस्