काठमाडौं, २४ फागुन । नेपाल कम्युनिष्ट पार्टी (नेकपा) प्रचण्ड–नेपाल पक्षका अध्यक्ष पुष्पकमल दाहाल प्रचण्डले समग्र महिला मुक्ति नै मानव मुक्तिको पूर्वशर्त भएको बताउनुभएको छ । १११औं अन्तर्राष्ट्रिय श्रमिक महिला दिवसको अवसरमा शुभकामना दिंदै अध्यक्ष प्रचण्डले महिला हिंसाको अन्त्यले मात्र नपुग्ने भन्दै विश्वभरका महिलाहरुको मुक्तिले मात्रै मानव मुक्ति सम्भव हुने बताउनुभएको हो ।
प्रचण्डले भन्नुभएको छ , “विश्वमा न्याय, समानता, स्वतन्त्रता र मुक्तिका लागि ठूलठूला संघर्ष हुँदै आएका छन् । मानव जातिको पूर्ण मुक्ति हाम्रो सपना हो । त्यसका लागि सिंगो महिला मुक्ति आवश्यक छ ।”
अन्तर्राष्ट्रिय श्रमिक महिला दिवसको अवसरमा अध्यक्ष प्रचण्डले स्वदेश तथा विदेशमा रहेका सम्पूर्ण नेपाली दिदीबहिनीहरूमा शुभकामना व्यक्त गर्नुभएको छ ।
प्रतिक्रिया दिनुहोस्