काठमाडौं २५ असार । नुवाकोटको विदुर नगरपालिका निवासी शिवप्रसाद रिमालको पत्थरीको अपरेसन गर्दा मृगौला निकालेको भन्दै पीडित पक्षले आइतवार मनमोहन अस्पताल परिसरमा धर्ना दिएको छ ।

शिव रिमाल जेठ २२ गते कोख दुखेर जाच गर्न मनमोहन अस्पताल पुगेका थिए । जाचपछि पत्थरीको अपरेशन गर्ने डाक्टरको सल्लाह अनुसार २५ गते अपरेशन पनि भयो ।

अप्रेसन गरेको १५ दिनपछि मात्र आफ्नो पथ्रीको अप्रेसन गर्ने डाक्टरले मृगौला निकालेको थाहा भएको पीडित रिमालले थाहा पाए । रिमाल ४ वर्ष साउदी अरेबिया बसेर एक वर्षअघि नेपाल फर्किएका थिए । उनका दुई छोरा छन् ।

आफु गरिबको छोरो, दुख गरेर परिवार पाल्नुपर्ने बेलामा अस्पतालले पीडित बनाएको भन्दै उनले उचित क्षतिपूर्ति र न्यायको माग गरेका छन् ।
पीडित रिमालकी बहिनी भगवती रिमालले आफ्नो दाजुको जस्तै हालत अन्य हजारौ दाजुहरुको नहोस भन्दै न्यायको माग गरेकी छन् ।

लोभ लालच र करकापमा पारी सामान्य सम्झौता गर्न लगाएपनि आफूलाई मान्य नहुने रिमाल बताउछिन् । दोषीलाई कारबाहि र पीडितलाई चाडो न्याय हुनुपर्ने बहिनी रिमालको माग छ ।

सरकारले २४ घण्टाभित्र आफ्ना माग सुनुवाई नगरे आन्दोलनका कार्यक्रमलाई चरणवद्ध रुपमा अगाडि लाने पीडित श्यामकृष्ण सेडाईले बताए । अस्पतालले नियतवश पत्थरीको अपरेशनका नामर्मा मृगौला झिकेको भन्दै आफूहरुले न्याय नपाएसम्म आन्दोलन जारी राख्ने बताए ।

अर्का पीडितका आफन्त रवीन्द्र पौडेलले सरकार र अस्पतालले चाडो भन्दा चाडो वार्ता टोली गठन गरेर समस्या समाधान गर्नुपर्ने बताए ।
मनमोहन अस्पतालका निर्देशक धर्मदत्त सुवेदीले पनि यस विषयमा छानवीन हुनु पर्ने माग गरेका छन् ।

आफूलाई मृगौला बेचेर खायो भन्ने आरोप लागिरहेको र यस विषयमा सरकार र हस्पिटलको बोर्ड बसेर सत्य तथ्य पत्ता लगाउनुपर्ने उनले बताए । सरोकारवाला र सरकारले पीडितलाई के कस्तो सुविधा दिने भन्ने निर्णय गर्नुपर्ने सुवेदीले बताए ।

डाक्टरको लापरवाहीबाट पीडित बन्न पुगेका शिवप्रसाद रिमालले उचित क्षतिपूिर्त र न्याय पाउनु पर्ने मागलाई सबैले स्वाभापवक मानेका छन् । यो घटनाको सम्बन्धित निकायले चाडो भन्दा चाडो सत्य तथ्य पत्ता लगाई समस्याको समाधान गर्नु उचित देखिन्छ ।