काठमाडौँ, २६ वैशाख । चिनियाँ रकेटको भग्नावशेष माल्दिभ्स नजिकै इन्डियन ओसनमा खसेको छ । नेपाली समय अनुसार आइतबार बिहान चिनियाँ रकेटको भग्नावशेष उक्त स्थानमा खसेको हो ।यसअघि केही विज्ञहरुले रकेटको भग्नावशेष भूमध्यसागर वा साउथ प्यासिफिकमा खस्ने बताएका थिए । तर अन्ततः इन्डियन ओसनमा रकेटको भग्नावशेष खसेको हो ।लङ्ग मार्च–५ बी रकेटको मुख्य भाग खसेको हो । गएको महिना चीनको नयाँ अन्तरिक्ष केन्द्रको स्थापनाका लागि प्रक्षेपण गरिएको रकेटको अंश खसेको हो । समाचार संस्था रोयटर्सका अनुसार भग्नावशेषको अधिकांश भाग पृथ्वीको वायुमण्डलमा प्रवेश गरे लगत्तै जलेको चिनियाँ अन्तरिक्ष एजेन्सीले जनाएको छ । २१ टन तौलको रकेट भग्नावशेष पृथ्वीको वायुमण्डलमा आएको यो केही दशक यताकै पहिलो घटना भएको जानकारहरुले बताएको छ ।
११ असार २०८३, बिहिबार
प्रतिक्रिया दिनुहोस्