काठमाडौं । रसुवामा आएको बाढीपछि ४ सय ३ जना पर्यटक सम्पर्कविहीन भएका छन्।

नेपाल पर्यटन बोर्डका अनुसार सम्पर्कविहीन हुनेमा ३ सय ४१ जना विदेशी र ६२ जना नेपाली पर्यटक छन्। उनीहरूमध्ये २ सय ३ पुरुष र २ सय महिला रहेको बोर्डले जनाएको छ।

सम्पर्कविहीन हुने पर्यटकमध्ये सबैभन्दा धेरै भारतीय नागरिक छन्। बोर्डका अनुसार १ सय ३३ भारतीय पर्यटक सम्पर्कविहीन भएका छन्। यस्तै, अमेरिकाका ४७, अस्ट्रेलियाका ३४, बेलायतका ३३, क्यानडाका २४ र मलेसियाका १९ जना पर्यटक सम्पर्कविहीन छन्।

त्यसैगरी युक्रेनका ७, दक्षिण अफ्रिकाका ६, सिंगापुरका ६, न्युजिल्यान्डका ५, जापानका ५, जर्मनीका ४, फ्रान्सका ३ र स्पेनका २ जना पर्यटक सम्पर्कविहीन रहेको पर्यटन बोर्डले जनाएको छ।

बाढी प्रभावित क्षेत्रमा सञ्चार तथा सडक सम्पर्क अवरुद्ध भएकाले पर्यटकसँग सम्पर्क स्थापित गर्न कठिनाइ भइरहेको छ। सम्बन्धित निकायले सम्पर्कविहीन पर्यटकको अवस्था पत्ता लगाउन खोजी तथा उद्धार प्रयास अघि बढाइरहेका छन्।

Originally published on abcnews.com.np.