काठमाडौं, ५ जेठ । विश्वमा कोरोना भाइरसको सङ्क्रमण दर घट्दै गइरहेको छ । तर कोरोनाकै कारण हुने मृत्युको दर भने उकालो लागिरहेको छ ।पछिल्लो २४ घण्टामा पाँच लाख ९७ हजार पाँच सय ६५ जना नयाँ सङ्क्रमित थपिए । विश्वमा सङ्क्रमित सङ्ख्या १६ करोड ४८ लाख ६९ हजार सात सय १५ पुगेको छ ।

सङ्क्रमितमध्ये १४ करोड ५० लाख सात हजार ८१ जना उपचारपछि निको भएका छन् । एक करोड ६४ लाख ४५ हजार १६ जनाको उपचार भइरहेकोमा एक लाख आठ सय ६२ जनाको अवस्था चिन्ताजनक छ ।विश्वमा दैनिक कोरोनाका कारण मृत्यु हुनेको सङ्ख्या भने बढिरहेको छ । एकै दिन १३ हजार तीन सय ९५ जनाको मृत्यु भयो । अघिल्लो दिन १० हजार दुई सय २१ जनाको मृत्यु भएको थियो ।

अघिल्लो दिनको भन्दा तीन हजार बढी सङ्क्रमितको मृत्यु भएको छ । हालसम्म विश्वमा कोरोनाका कारण मृत्यु हुनेको सङ्ख्या ३४ लाख १७ हजार छ सय १८ पुगेको छ ।सङ्ख्यात्मक हिसाबमा कोरोनाका कारण सबैभन्दा बढी प्रभावित बनेको मुलुक अमेरिकामा एकै दिन २५ हजार आठ सय ५१ जना नयाँ बिरामी थपिए । सङ्क्रमित सङ्ख्या तीन करोड ३७ लाख ७३ हजार दुई सय ९० पुगेको छ ।सङ्क्रमितमध्ये दुई करोड ७२ लाख ४७ हजार दुई सय छ जना उपचारपछि निको भएका छन् । ५९ जना २४ हजार सात सय ८२ जनाको उपचार भइरहेकोमा सात हजार सात सय ५१ जनाको अवस्था गम्भीर छ ।अमेरिकामा पछिल्लो २४ घण्टाभित्र सात सय चार जना सङ्क्रमितको मृत्यु भयो । हालसम्म छ लाख एक हजार तीन सय दुई जनाको मृत्यु कोरोनाका कारण भइसकेको छ ।

छिमेकी मुलुक भारतमा एकै दिन दुई लाख ६७ हजार एक सय ७४ जनामा सङ्क्रमण पुष्टि भयो । हालसम्म दुई करोड ५४ लाख ९५ हजार एक सय ४४ जनामा कोरोना देखिएको छ ।सङ्क्रमितमध्ये दुई करोड १९ लाख ७९ हजार सात सय तीन जना निको भएका छन् । ३२ लाख ३२ हजार एक सय ६५ जनाको उपचार जारी रहेकोमा आठ हजार नौ सय ४४ जनाको अवस्था चिन्ताजनक छ ।भारतमा २४ घण्टाभित्र चार हजार पाँच सय २५ सङ्क्रमितको मृत्यु भयो । हालसम्म कोरोनाका कारण दुई लाख ८३ हजार दुई सय ७६ जनाको मृत्यु भइसकेको छ । भारत कोरोनाका कारण प्रभावित हुनेमध्ये विश्वकै दोस्रो नम्बरमा रहेको मुलुक हो ।कोरोनाबाट प्रभावित हुनेमध्ये विश्वकै तेस्रो नम्बरमा रहेको ब्राजिलमा एकै दिन ७४ हजार तीन सय ७९ जना नयाँ बिरामी थपिए । सङ्क्रमित सङ्ख्या एक करोड ५७ लाख ३५ हजार चार सय ८४ पुगेको छ ।सङ्क्रमितमध्ये एक करोड ४२ लाख ४७ हजार छ सय नौ जना उपचारपछि कोरोनामुक्त भएका छन् । १० लाख ४८ हजार चार सय ९७ जना कोरोनामुक्त हुने प्रयासमा छन् । उपचार गराइरहेकामध्ये आठ हजार तीन सय १८ जनाको अवस्था गम्भीर छ ।ब्राजिलमा २४ घण्टाभित्र दुई हजार पाँच सय १७ जना सङ्क्रमितको मृत्यु भयो । हालसम्म कोरोनाका कारण चार लाख ३९ हजार तीन सय ७९ जनाको मृत्यु भइसकेको छ ।